«Niešta viedaŭ — trochi padstaviŭ ich jašče tady». Ukrainski śpiavak uspomniŭ, jak pradstaŭlaŭ Biełaruś na Jeŭrabačańni-2018
Mikita Alaksiejeŭ tady nie zmoh vyjści ŭ finał, ale ni pra što nie škaduje.
Ukrainski śpiavak Alexeev pradstaŭlaŭ Biełaruś na Jeŭrabačańni-2018 ź pieśniaj «Forever». Viadučy radyjo Luks FM! spytaŭ u vykanaŭcy, ci škaduje jon pra taki dośvied, uličvajučy ciapierašnija realii.
«Toje, što ja zaniaŭ tam amal pieradapošniaje miesca, ciapier, kali my razumiejem, u našych realijach — ja niešta razumieŭ i viedaŭ. Trochi ich padstaviŭ jašče tady», — pažartavaŭ Alexeev.
A zatym śpiavak dadaŭ, što nasamreč šanuje dośvied, jaki atrymaŭ na konkursie.
«Kali surjozna, to heta nievierahodny vopyt. Kali ty ŭžo pabyvaŭ tam, na hałoŭnaj scenie, tabie ŭžo ničoha nie strašna, ty ŭžo ŭsio viedaješ. Bo, kali ty sapraŭdy tam apyniaješsia — heta enierhietyčna, pa-pieršaje, składana i, pa-druhoje, heta vyvodzić ciabie na nastupny ŭzrovień.
Ja taki čałaviek, jaki ŭsio ŭsprymaje vielmi mocna, ja adčuvaju ludziej, i kali ty apynaješsia tam, ty razumieješ, što miljony vačej zaraz hladziać na ciabie ŭ hetuju siekundu, i heta nievierahodny impuls, jon traplaje małankaj prosta ŭ ciabie», — adznačyŭ śpiavak.
Pavodle jaho słoŭ, tyja adčuvańni na Jeŭrabačańni źmianili jaho jak čałavieka i jak prafiesijanała svajoj spravy.
«Tamu, kali ty pytaješ, ci škaduju ja — nie, bo heta byŭ nievierahodny, kłasny dośvied», — reziumavaŭ Alexeev.
Na konkursie ŭ Lisabonie pradstaŭnik Biełarusi zaniaŭ 16-je miesca siarod 19 udzielnikaŭ pieršaha paŭfinału. Dla vychadu ŭ finał nieabchodna było trapić u dziasiatku.
Kamientary