…19 lutaha patančyć, 20 lutaha pahukać viasnu, 21 lutaha napisać dyktoŭku, 24 lutaha adśviatkavać aficyjna.
…19 lutaha patančyć
U piatnicu ad 18‑j da 23‑j hadziny ŭ «Kłubie 6_A» (Minsk, Partyzanski pr‑t, 6a) adbudziecca biełaruskamoŭnaja dyskateka dla prahresiŭnaj moładzi i asobaŭ stałaha vieku. Mierapryjemstva pryśviečana tvorčaści Michaiła Finbierha i VIA «Biasieda».
Śpiecyjalnyja hości viečaryny — DJ z Vałožyna Alesia Haharyna i viadučyja z Paleśsia pan Jakuboŭski i Maryna Androsienka. Naviedvalnikaŭ taksama čakaje nacyjanalny stryptyz «Biełaruskija kosy» i ekzotyk‑šou «Charoški». Uvachod kaštuje 5 tys. rub. Daviedki praz teł.: (29) 857‑47‑39, (29) 863‑00‑00.
…20 lutaha pahukać viasnu
Viasiołyja karahody, spalvańnie pudziła Zimy, dužanni i hulni na pavietry razam z etna fołk hurtom «Guda» adbuducca ŭ subotu a 13‑j hadzinie. Z blinami, tradycyjnaj jaječniaj, śpiečanaj na vohniščy, čakajuć haściej u pani Jani. Zapis na mierapryjemstva pa teł. (29) 669‑37‑31.
…21 lutaha napisać dyktoŭku
Niepasredna ŭ sam Dzień rodnaj movy adbudziecca 3‑ia ahulnanacyjanalnaja biełaruskaja dyktoŭka, jakuju arhanizujuć Zhurtavańnie biełarusaŭ śvietu «Baćkaŭščyna» i Tavarystva biełaruskaj movy. Zbor udzielnikaŭ u 11.00 u pamiaškańni teatra «Źnič», što znachodzicca ŭ kaściole Śviatych Symona i Aleny (pł. Niezaležnaści, 5).
U tym ža pamiaškańni u 13.00 adbudziecca prezientacyja biełaruskamoŭnych vydańniaŭ: hazietaŭ «Novy čas» i «Naša słova», časopisaŭ «Vierasień» i «Lidski letapisiec», Słoŭnika biełaruskaj movy pad redakcyjaj U.Zavalniuka, a taksama novaj knihi R.Baradulina «Navošta».
…24 lutaha adśviatkavać aficyjna
Śviatkavańnie Dnia rodnaj movy ŭ DK Minskaha traktarnaha zavoda supolna ładziać Biełaruski dziaržaŭny ŭniviersitet kultury i mastactva i ahulnanacyjanalnaja kampanija «Budźma biełarusami!». Śviatočny kancert projdzie ŭ vialikim budynku DK MTZ, dzie buduć vystupać sučasnyja biełaruskamoŭnyja kalektyvy i bardy. Tam taksama možna budzie pahladzieć ekspazicyju fotazdymkaŭ na temu «Biełaruś pa‑biełarusku», a taksama daviedacca šmat cikavych histaryčnych faktaŭ pra biełaruskuju movu. Śviatočny kancert raspačniecca a 19‑j hadzinie pa adrasie: vuł.Daŭhabrodskaja, 24.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami55
Kamientary