Biełaruś – Šviecyja – 2:4

U piatnicu, 19 lutaha, chakiejnaja zbornaja Biełarusi praviała druhi matč na alimpijskim turniry ŭ Vankuviery. Padapiečnym Michaiła Zacharava supraćstajała zbornaja Šviecyi. Biełarusy sastupili 2:4, ale mieli šaniec u trecim pieryjadzie źvieści matč da ničyjoj.

Lik pa pieryjadach: 0:2, 1:1, 1:1.

Kali dva pieryjady dla biełarusaŭ skončylisia amal biazradasna,

to ŭ trecim našyja abudzilisia i padaryli viasioły chakiej. Skaracili lik da minimumu i praciahvali atakavać varoty šviedaŭ.

Prykładam, pry liku 2:3 u pierakładzinu trapiŭ Kanstancin Zacharaŭ.

Našyja zmahalisia-atakavali da apošniaj chviliny, i prapuścili čaćviortuju šajbu za dziesiać siekundaŭ da kanca treciaha pieryjadu.

Šajby: 0:1 – 06:40, Daniel Sedzin; 0:2 – 09:04, Daniel Alfredsan; 0:3 – 29:35 – Jochan Franzen, 1:3 – 34:55 – Dźmitry Mialeška, 2:3 – 52:33 – Dźmitry Mialeška, 2:4 – 59:50 – Daniel Alfredsan.

Varoty biełarusaŭ baraniŭ Andrej Miezin.

***

Kali ŭ Minsku była ranica suboty skončyŭsia druhi matč u našaj hrupie.

Zbornaja Finlandyi razhramiła Hiermaniju - 5:0

Stanovišča kamandaŭ: Finlandyja – 6 (2, 10—1), Šviecyja – 6 (2 hulni, bałans šajbaŭ 6—2), Biełaruś – 0 (2 hulni, 3—9), Hiermanija – 0 (2, 0—7),

Nahadajem, što 17 lutaha zbornaja Biełarusi prajhrała Finlandyi – 1:5, a Šviecyja vyjhrała ŭ Hiermanii – 2:0.

Zbornaja Biełarusi sustreniecca z Hiermanijaj, kali ŭ Minsku budzie 7-ja ranicy niadzieli.

***

Niezaležna ad zaniataha ŭ hrupie miesca padapiečnyja Michaiła Zacharava praciahnuć vystup na Alimpijadzie.

I navat pazmahajucca za vychad u čverćfinał, kudy pasprabujuć trapić praź plej-of kvalifikacyi 1/4 finału, matčy jakoha projduć 23 lutaha.

Naŭprost u čverćfinał vychodziać try pieramožcy kvartetaŭ, a taksama lepšaja siarod kamandaŭ, jakija zaniali druhija miescy.

Astatnija vosiem udzielnikaŭ chakiejnaha turniru Alimpijadu pašychtujucca pavodle ranžyru u zaležnaści ad ich turnirnych pakazčykaŭ papiaredniaj stadyi (miesca ŭ hrupie, kolkaść nabranych bałaŭ, roźnica šajbaŭ dy h.d.).

U kvalifikacyjnym raŭndzie płej‑of 5‑ia kamanda sustreniecca z 12‑j, 6‑ia — z 11‑j, 7‑ia — z 10‑j, 8‑ia — z 9‑j.

Pakul paśla dvuch turaŭ u našaj hrupie ŭ zvodnaj tablicy ŭsich zbornych biełarusy zajmajuć 9-je miesca. Horšyja za nas vyniki majuć Hiermanija, Narviehija i Łatvija.

Jak było napisana vyšej u kvalifikacyjnym plej-of, 9-ja kamanda sustreniecca z 8-j. Pakul heta Šviejcaryja, ale jany praviali pakul adzin matč i siońnia viečaram hulajuć z Narviehijaj. U vyniku pieramohi jany pieramieściacca ŭvierch.

Kab taksama akazacca ŭ takim rejtynhu jak maha vyšej, treba pieramahać Hiermaniju, i tady ŭ kvalifikacyi plej-of budziem hulać z całkam prymalnymi pa sile znoŭ taki Hiermanijaj, Łatvijaj (kali Słavakija pieramoža ich niadzieli) ci Narviehijaj.

• 0
• 0
• 0
• 0
• 0
• 0
• 0
• 0