Biełarus vioz u Jeŭrasajuz rekordnuju partyju kantrabandnych cyharet — na 2,6 młn jeŭra
Mužčyna śćviardžaŭ, što viazie meblu, adnak u mašynie znajšli cyharety ŭ skrynkach z-pad piečyva.
Litoŭskija mytniki zatrymali na miažy z Polščaj rekordnuju partyju kantrabandnych cyharet biełaruskaj vytvorčaści.
11 kastryčnika pamiežniki i supracoŭniki Kaŭnaskaj terytaryjalnaj mytni spynili na trasie E67 Chielsinki — Praha hruzavik Mercedes Benz, jakim kiravaŭ hramadzianin Biełarusi.
Choć kiroŭca śćviardžaŭ, što viazie meblu ŭ Zachodniuju Jeŭropu, aficery byli ździŭleny tym, što dva zadnija paddony ŭnutry paŭpryčepa byli zahružanyja zusim nie meblaj, a skrynkami ź piečyvam, paviedamlajuć litoŭskija mytniki.
Dla dadatkovaha ahladu mašynu adpravili na bližejšuju zapraŭku. Vyśvietliłasia, što pad piečyva byli zamaskiravanyja kantrabandnyja cyharety — usiaho 575 tysiač pačkaŭ na 2,6 młn jeŭra. Heta rekordnaja partyja kantrabandnych cyharet, zatrymanaja ŭ 2024 hodzie.
Hruzavik i hruz byli zatrymanyja, kiroŭca-biełarus aryštavany na try miesiacy pa rašeńni Kaŭnaskaha rajonnaha suda.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»29
Kamientary
Ale kali ciabie " zatamožyli" zapłambavali v Ukrainie i viazieš praz rf ci naadvarot ci u rB viazieš u Kazachstan ..nijakij dadaišnik ni maje prava pa svajmu žadańniu na svoj pohlad Ni maje prava Ahladać Zryvać płomby.Na ahlad isnuje Pracedura składanaja..
.U Letuvie eŭraźviazie mabyć " svaje zakony" " ni da zakona" ??
Iz žyćcia Čto viezieš ? Posmotrieť možno kak vyhladit ??
Samomu intieriesno No tam opłambirovanno