Hramadstva44

Vaskrasienski ŭładkavaŭsia na vyhadnuju pazicyju ŭ zahadkavuju kampaniju

Jon atrymaŭ pasadu namieśnika dyrektara TAA «Novaja bijatechnałahičnaja kampanija». Što pra hetaje pradpryjemstva viadoma?

Skrynšot ANT

Takija źviestki ŭtrymlivajucca va ŭkazie Alaksandra Łukašenki, jakim jon nadzialiŭ kamisiju pa viartańni pry Hienieralnaj prakuratury novymi paŭnamoctvami. Dakumient apublikavany siońnia na Nacyjanalnym pravavym internet-partale, źviarnuŭ uvahu Reform.news.

Ukazam nie tolki pašyrany paŭnamoctvy kamisii, ale i źmienieny jaje skład, a taksama pasady ŭdzielnikaŭ. Ciapier u kamisiju zamiest byłoha kiraŭnika MZS Alejnika ŭklučany Maksim Ryžankoŭ, a zamiest Franskieviča dadadzieny Andrej Sambuk — namieśnik kiraŭnika KDK — dyrektar Departamienta finansavych rasśledavańniaŭ.

Raman Pratasievič u składzie kamisii tak i nie źjaviŭsia.

Pasada Vaskrasienskaha taksama źmieniena na aktualnuju. Raniej jon pradstaŭlaŭsia jak dyrektar infarmacyjna-analityčnaj ustanovy «Kruhły stoł demakratyčnych sił».

TAA «Novaja bijatechnałahičnaja kampanija», dzie ciapier pracuje Vaskrasienski, nie zusim prostaja kampanija. U jaje jość licenzii na vytvorčaść ałkaholnaj, niecharčovaj śpirtaźmiaščalnaj pradukcyi, niecharčovaha etyłavaha śpirtu i tytuniovych vyrabaŭ i na aptovy handal dy zachoŭvańnie ałkaholnaj, niecharčovaj śpirtaźmiaščalnaj pradukcyi, niecharčovaha etyłavaha śpirtu i tytuniovych vyrabaŭ.

U apisańni licenzii havorycca, što pradpryjemstva maje prava vypuskać škłamoj, a taksama viskavyja i kańjačnyja dystylaty.

Kampaniju zarehistravali ŭ lipieni 2021 hoda. Ciapier joj vałodajuć Dźmitryj Sachančuk (45%), Vasil Varfałamiejeŭ (22,5%) i Michaił Stajanaŭ (22,5%). Stajanaŭ taksama paznačany jak dyrektar firmy.

Byŭ u składzie zasnavalnikaŭ z 12 studzienia 2022 hoda i Andrej Karpovič (10%), ale 20 červienia 2024 hoda jaho dolu vykupiła sama TAA «Novaja bijatechnałahičnaja kampanija».

Andrej Karpovič viadomy pad mianuškaj «Rudy» — heta pravaja ruka Dźmitryja Łukašenki pa «Prezidenckim spartyŭnym kłubie». Maje reputacyju «rašały». Jakraz ź jaho prychodam TAA atrymała licenzii.

Dyrektar Michaił Stajanaŭ (albo jaho poŭny ciozka) viadomy jak čepki biznesmen. U svoj čas jon umacavaŭ svaje pierahavornyja pazicyi dziakujučy sumna viadomamu Dźmitryju Paŭličenku, jakomu dapamahaŭ, u tym liku i ŭ spravie miedcentra «Siomaje nieba».

Jašče adzin ułaśnik — Varfałamiejeŭ (Vorfołomiejev pa-rusku) Vasil Vasiljevič — heta, mahčyma, saŭładalnik «Hipa» (imia amal całkam supadaje, saŭładalnik sietki kram — Varfołomiejev pa-rusku). Paviedamlałasia, što jaho nibyta aryštavali ŭ lutym 2024 hoda, pratrymali ŭ SIZA da maja, a zatym adpuścili.

Mienš za ŭsio infarmacyi pra Dźmitryja Sachančuka — jaho poŭny ciozka byŭ z 2013 hoda (i, mahčyma, zastajecca) kamiercyjnym dyrektaram TAA «Hrynojł».

Kamientary4

  • .
    19.10.2024
    [Red. vydalena]
  • Michaś
    19.10.2024
    Ničoha novaha. Vaskrasienski zaŭsiody vychvalaŭsia tym, nibyta jon idejna padtrymlivaje Łukašenku, nie atrymlivaja ŭzamien anivodnaj kapiejki ź biudžetu i zarablaja vyklučna pryvatnym biznesam. Nasamreč imia Vaskrasienskaha zaŭsiody śviaciłasia ŭ kałamutnych biznesach, biaśpiečna zajmacca jakimi ŭ Biełarusi dazvalajecca vyklučna praz dazvoł z najvyšejšaha ŭzroŭniu. Dastatkova uzhadać skandał s kantrabandaj u Rasieju "kontrsankcyjnaj" małočnaj pradukcyi jeŭrapiejskaj vytvorčaści, jakuju z 2015 pa 2018 ažyćciaŭlali biełaruskija firmy Vaskrasienskaha. Abjomy kantrabandy dasiahnuli takich pamieraŭ, što skandał dajšoŭ da ŭzroŭniu publičnaj kanfrantacyi pamiž Łukašenkaj i tahačasnym kiraŭnikom Raśsielhasnahlada Dankviertam. Nahadaju, što Raśsielhasnahlad, Raspatrebnahlad i Hazpram vykarystoŭvajucca Kramlom u jakaści hałoŭnych instrumientaŭ palityčnaha cisku Kramla na krainy-handlovyja partniory Rasiei.
    Imavierna, što hetkim čynam režym i raźličvaŭsia z Vaskrasienskim za jahonyja palityčnaja pasłuhi.
    Da Vaskrasienskaha pa padobnych schiemach režym raźličvaŭsia z Hajdukievičam-starejšym, firmam jakoha naprykancy 90ch režym dazvoliŭ udzielničać u prahramie AAN "Nafta ŭzamien na charčavańnie" u datyčeńni padsankcyjnaha Iraku časoŭ panavańnia Sadama Chusejna. Niezaležnyja raśledvalniki vykryli tady šmat złaŭžyvańniaŭ u miežach toj prahramy, kali ŭzamien na kvaciravany ekspart irakskaj nafty Chusejn atrymlivaŭ nia tolki humanitarnyja tavary, ale i zbroju.
  • Michaś
    19.10.2024
    Ničoha novaha. Vaskrasienski zaŭsiody vychvalaŭsia tym, nibyta jon idejna padtrymlivaje Łukašenku, nie atrymlivaja ŭzamien anivodnaj kapiejki ź biudžetu i zarablaja vyklučna pryvatnym biznesam. Nasamreč imia Vaskrasienskaha zaŭsiody śviaciłasia ŭ kałamutnych biznesach, biaśpiečna zajmacca jakimi ŭ Biełarusi dazvalajecca vyklučna praz dazvoł z najvyšejšaha ŭzroŭniu. Dastatkova uzhadać skandał s kantrabandaj u Rasieju "kontrsankcyjnaj" małočnaj pradukcyi jeŭrapiejskaj vytvorčaści, jakuju z 2015 pa 2018 ažyćciaŭlali biełaruskija firmy Vaskrasienskaha. Abjomy kantrabandy dasiahnuli takich pamieraŭ, što skandał dajšoŭ da ŭzroŭniu publičnaj kanfrantacyi pamiž Łukašenkaj i tahačasnym kiraŭnikom Raśsielhasnahlada Dankviertam. Nahadaju, što Raśsielhasnahlad, Raspatrebnahlad i Hazpram vykarystoŭvajucca Kramlom u jakaści hałoŭnych instrumientaŭ palityčnaha cisku Kramla na krainy-handlovyja partniory Rasiei.
    Imavierna, što častkaj prybytka ad hetaj schiemy režym i raźličvaŭsia z Vaskrasienskim za jahonyja palityčnaja pasłuhi.
    Da Vaskrasienskaha pa padobnych schiemach režym raźličvaŭsia z Hajdukievičam-starejšym, firmam jakoha naprykancy 90ch režym dazvoliŭ udzielničać u prahramie AAN "Nafta ŭzamien na charčavańnie" u datyčeńni padsankcyjnaha Iraku časoŭ panavańnia Sadama Chusejna. Niezaležnyja raśledvalniki vykryli tady šmat złaŭžyvańniaŭ u miežach toj prahramy, kali ŭzamien na kvaciravany ekspart irakskaj nafty Chusejn atrymlivaŭ nia tolki humanitarnyja tavary, ale i zbroju.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Usie naviny →
Usie naviny

Kanstancin Mieładze abviaściŭ pra zakryćcio prajekta «VIA HRA»3

Rasijskija IT-asacyjacyi prosiać Pucina abaranić «Lestu» ad nacyjanalizacyi

Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia90

Na miažy Biełarusi i Ukrainy prachodzić najbujniejšy abmien pałonnymi ŭ farmacie 1000ch10008

«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy25

Na pažary ŭ Kamianieckim rajonie zahinuli dvoje dziaciej

U Rasii mama paprasiła znajomaha ŭtapić svaju 12-hadovuju dačku, bo taja kiepska siabie pavodziła1

«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść14

Schiemy, pa jakich dziejničaje HB. Vyjšła rasśledavańnie pra picierskich sieksotaŭ FSB

bolš čytanych navin
bolš łajkanych navin

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Hałoŭnaje
Usie naviny →

Zaŭvaha:

 

 

 

 

Zakryć Paviedamić