Mužčyna, jaki žyvie pry Śviata-Jelisaviecinskim manastyry, pajedzie na vajnu z Ukrainaj. I heta ŭžo nie pieršy taki vypadak
«Brat Aleh» ź minskaha Śviata-Jelisaviecinskaha manastyra zaklučyŭ kantrakt ź Ministerstvam abarony RF i adpraŭlajecca na vajnu. Pra heta ŭ manastyrskim vajbier-čacie paviedamiła manaška Alaksandra (Lachava), jakaja kaardynuje ŭ manastyry dapamohu rasijskim vajskoŭcam, piša «Chryścijanskaja vizija».
Bratami ŭ manastyry nazyvajuć mužčyn, jakija žyvuć pry im, u asnoŭnym na padvorku ŭ vioscy Łysaja Hara. Heta nie manachi, a śvieckija asoby, jak praviła ludzi ŭ składanaj žyćciovaj situacyi, jakim manastyr daje dach nad hałavoj uzamien za pracu. Pakolki hetyja ludzi zaležnyja ad manastyra, to jany asabliva ŭraźlivyja na manipulacyi i prapahandu, jakaja ŭ im pravodzicca.
«Heta ŭžo nie pieršy taki vypadak. Duchoŭnik manastyra protaijerej Andrej Lemiašonak pieryjadyčna havoryć na schodach, što taki i taki brat pajechaŭ na «SVA», ale da hetaha času ni razu nie skazaŭ, što taki i taki brat viarnuŭsia. I ŭsio heta adbyvajecca pad prykryćciom sacyjalnaj dziejnaści, dapamohi biazdolnym», — adznačaje krynica, znajomaja sa stanoviščam spraŭ u manastyry.
«U nastupnym hodzie ich tut nie budzie». Jak Śviata-Jelisaviecinski manastyr handluje ŭ Polščy
U Lemiašonka spytali, čamu carkva nie molicca za Łukašenku. Toj zapeŭniŭ, što molicca navat za Kačanavu
U Śviata-Jelisaviecinskim manastyry znoŭ praviali chresny chod z rasijskimi ściahami, Z i ściahami NOD
Z pravaabaroncaŭ — u Śviata-Jelisaviecinski manastyr: jak skłaŭsia los eks-palitviaźnia Andreja Bandarenki
«Mnie dali hrošy i skazali: kupi dom». Jakuju nieruchomaść maje praŭładny śviatar Lemiašonak?
Usiu Biełaruś pačali razmaloŭvać prymityŭnymi murałami ad BRSM 7
Kamientary
I po rostu i po vidu - putin v kaskie i kamuflažie. Jezdił by v takom vidie, kak na fotohrafii, po polihonam RF i podymał by patriotičieskije nastrojenija u śmiertnikov, a tak sam śmiertnikom stał.
Nieužieli kirza zakončiłaś v bohatoj Rośsii, raz prišłoś pieriechodiť na riezinu ?