Upieršyniu la Čyrvonaha kaścioła ŭ Minsku nie było źničoŭ i malitvaŭ
U dni malitvaŭ ab pamierłych, 1-8 listapada la Čyrvonaha kaścioła ŭ Minsku nie źjaviŭsia stend dla źničoŭ, jakija siudy štohod prynosili vierniki ŭ znak malitvy ab svaich blizkich, jakija adyšli ŭ viečnaść, źviartaje ŭvahu katolik.life.
Heta adbyłosia ŭpieršyniu. Kali chram pracavaŭ, pry im źjaŭlałasia šmat źničoŭ. Ale navat paśla zakryćcia chrama, u papiarednija dva hady, stend dla źničoŭ, kvietki i śpiecyjalny kilimak probašč prychoda vynosiŭ da truny Edvarda Vajniłoviča.
Ciapier tam ničoha niama, prylehłaja terytoryja nie prybranaja, paŭsiul lažyć apałaje liście.
Raniej, paśla pryznačeńnia novaha probašča, była začyniena plabanija, dzie štodnia ździajśnialisia malitva, vystaŭleńnie śviatych daroŭ i imša dla viartańnia kaścioła viernikam.
Paśla źmieny probašča prajšło ŭžo try miesiacy, ale pakul heta nijak nie paŭpłyvała na situacyju — pa źniešnich prykmietach, u chramie nie pravodziać anansavany ramont, ab jakich-niebudź damoŭlenaściach z uładami ničoha nie viadoma.
Kamientary