Infiekcyjanist: Virus Marburh nie stanie novaj suśvietnaj pandemijaj
Dva inkubacyjnyja pieryjady lichamanki Marburha chutka projduć, i novych vypadkaŭ u Jeŭropie nie budzie zarehistravana, zajaviŭ namieśnik hałoŭnaha doktara Haradskoj kliničnaj infiekcyjnaj balnicy Minska, hałoŭny pazaštatny infiekcyjanist kamiteta pa achovie zdaroŭja Minharvykankama Śviatasłaŭ Vielhin, piša «Sputnik».
Jon adznačyŭ, što chvaroba, vyklikanaja virusam Marburh, pa staroj namienkłatury adnosicca da asabliva niebiaśpiečnych infiekcyj. Pa słovach infiekcyjanista, trochi jość infiekcyj, jakija ŭjaŭlajuć niebiaśpieku dla achovy zdaroŭja ŭ suśvietnym maštabie.
«Lichamanka Marburha niebiaśpiečnaja tym, što jana pieradajecca nie tolki ad niejkich pieranosčykaŭ, ale i ad čałavieka da čałavieka. Bolšaść chvorych u Afrycy — heta miedycynskija rabotniki, na žal. Sapraŭdy, jość ryzyki, ale na dadzieny momant jany praktyčna nivielavalisia, bo dva inkubacyjnyja pieryjady (42 dni) chutka projduć i novych vypadkaŭ u Jeŭropie nie budzie zarehistravana», — skazaŭ Vielhin.
Uspyška hiemarahičnaj lichamanki Marburh była zafiksavana ŭ Ruandzie ŭ kancy vieraśnia hetaha hoda. Pavodle apošnich źviestak SAAZ, ad jaje ŭžo zahinuli 15 čałaviek, jašče 62 ličacca infikavanymi. Takim čynam, uzrovień śmiarotnaści składaje 24,2%. U apošnija hady vypadki lichamanki Marburh, akramia Ruandy, rehistravalisia ŭ Kienii, Uhandzie, Konha, Anhole i Zimbabve.
Ciapier čytajuć
«Pucin nie viedaŭ, što heta vyljecca ŭ takuju vajnu». Hałoŭnaje ź intervju Łukašenki18
Kamientary