Daśledavańnie DNK achviar vyviaržeńnia ŭ Pampiejach razburyła pryhožuju lehiendu pra maci ź dziciem
Vyjaviłasia, što jany nie svajaki, a «maci» — navat nie žančyna.
Navukoŭcy rasšyfravali DNK z kostak piaci žycharoŭ Pampiejaŭ, jakija zahinuli ŭ vyniku katastrafičnaha vyviaržeńnia Viezuvija ŭ 79 hodzie. Artykuł z vynikami daśledavańnia byŭ apublikavany ŭ Current Biology.
Daśledavańnie dazvoliła vyśvietlić padrabiaznaści pra poł, pachodžańnie i siamiejnyja suviazi hetych piaci achviar kataklizmu i abvierhła ŭstojlivyja ŭjaŭleńni, jakija hruntavalisia na pamyłkovych abo niedastatkovych danych.
Naprykład, była raźvienčana pryhožaja lehienda pra maci, jakaja zahinuła ź dziciem na rukach. Analiz DNK pakazaŭ, što škilet naležaŭ mužčynu, jaki nie mieŭ svajackaj suviazi ź dziciem. Jaho ličyli žančynaj z-za składanaha załatoha branzaleta na ruce.
Z pačatku raskopak ruin Pampiejaŭ u XVIII stahodździ było zroblena bolš za 100 ślepkaŭ cieł achviar šlacham zalivańnia vadkaha hipsu ŭ pustoty, jakija zastalisia paśla razbureńnia miakkich tkanak. U mnohich z hetych ślepkaŭ dobra zachavalisia frahmienty kostak.
Pa hetych frahmientach navukoŭcy zdoleli častkova abo całkam adnavić hienom piaci zahinułych. Usie jany byli mužčynami — naščadkami imihrantaŭ z uschodniaha Mižziemnamorja.
Dadatkova ŭstanoŭleny padrabiaznaści adnosin pamiž zahinułymi. Naprykład, reštki čałavieka z branzaletam, jaki trymaŭ na rukach dzicia, byli znojdzieny razam z dvuma inšymi. Da hetaha času ličyłasia, što jany naležali adnoj siamji, ale analiz DNK nie vyjaviŭ svajactva pamiž imi.
Inšaja interpretacyja, jakaja taksama asprečvajecca novymi danymi, datyčycca dvuch ludziej, jakija zahinuli ŭ abdymkach. Raniej ličyłasia, što heta albo siostry, albo maci i dačka, ale hienietyčny analiz pakazaŭ, što prynamsi adzin ź ich byŭ mužčynam.
«Hetaje daśledavańnie nahadvaje nam, što isnujuć mify, jakija sapraŭdy nieabchodna raźvienčvać», — prakamientavaŭ archieołah Styvien Elis z Univiersiteta Cyncynaci ŭ ZŠA, jaki kiravaŭ raskopkami ŭ Pampiejach.
-
Śviatkavać treci padzieł Rečy Paspalitaj, dapłačvać Hihinu i adsunuć Marzaluka: jak Rasija choča pierapisać historyju Biełarusi
-
U 1942 hodzie ŭ Mahilovie zdaryłasia bujnaja technahiennaja avaryja. Historyk padrychtavaŭ pra jaje knihu
-
Jak biełarusy žyli pa draŭlanym kalendary. Usio žyćcio źmiaščałasia na prostym kijku
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
niePoch
mužyčki, jak praviła, horš, čym žančyny
jašče i tamu, što bajacca heta pryznać
pa chodu čuvak zanimaŭsia niejkaj fikulturaj