U Danieckaj vobłaści razburana damba Kurachaŭskaha vadaschovišča — vada padymajecca
U Kurachava razburyli Ciarnoŭskuju dambu Kurachaŭskaha vadaschovišča, piša «Naviny Danbasa». Śćviardžajecca, što vada ŭ race padniałasia na 1 mietr.
Praz razbureńnie damby vada ŭ race Voŭčaja ŭžo ŭźniałasia na mietr. Nasielenyja punkty ŭzdoŭž raki pakul nie padtoplenyja, chacia ryzyka padtapleńniaŭ isnuje, pišuć «Naviny Danbasa».
Pra razbureńnie damby paviedamili ŭkrainskija i rasijskija telehram-kanały.
Infarmacyja ab tym, chto mienavita jaje razburyŭ — USU abo vojski RF — adroźnivajecca.
Pavodle adnych kanałaŭ, heta zrabili USU, kab paźbiehnuć akružeńnia, pavodle inšych, heta byŭ prylot rasijskaj rakiety.
U Kurachavie raźmieščany važny łahistyčny chab ukrainskich vojskaŭ.
US RF sprabujuć uziać Kurachava ŭ atačeńnie. Kurachoŭskaje vadaschovišča abaraniaje horad na poŭnačy, tamu rasijskija vajskoŭcy sprabujuć abyści jaho. Siało Staryja Cierny, u jakim znachodziłasia padarvanaja damba, było adnoj z metaŭ hetaha prasoŭvańnia.
Strata Kurachava faktyčna pakładzie kaniec supracivu USU na terytoryi paŭdniovaha Danbasa.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary