Alaksandr Łukašenka 18 listapada padpisaŭ ukaz № 420, jakim mianiajucca praviły palavańnia.
Ukazam dazvalajecca palavańnie na miadźviedzia i ryś u asablivym režymie — na padstavie płanaŭ kiravańnia papulacyjami, jakija raspracoŭvajucca Nacyjanalnaj akademijaj navuk Biełarusi.
Dadzienaje rašeńnie pryniata, pakolki kolkaść hetych žyvioł značna ŭzrasła i maje patrebu ŭ rehulavańni, piša Biełta.
Asnoŭnyja pałažeńni ŭkaza ŭstupajuć u siłu praz šeść miesiacaŭ paśla aficyjnaha apublikavańnia.
Heta rašeńnie łabiravała Biełaruskaje tavarystva palaŭničych i rybałovaŭ i asabista jahony kiraŭnik, były ministr unutranych spraŭ Ihar Šunievič. Jon užo niekalki hadoŭ pravodzić nastojlivuju kampaniju za vyklučeńnie z Čyrvonaj knihi i ŭklučeńnie ŭ lik palaŭničych vidaŭ na terytoryi Biełarusi buraha miadźviedzia i rysi.
Taksama Šunievič vykazvaŭsia za toje, kab pačać palavać na busłoŭ, žuravoŭ i lebiedziaŭ.
Ciapier čytajuć
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi5
Kamientary
a na samaj spravie? licenzii na adstreł buduć pradavać
čarhovaja krynica dachodu
Nu jaki narmalny čałaviek tak budzie prahnuć zabić miadźviedzia ci busła, zubra ci lebiedzia, ryś ci žurava, kab až prałabijavać prava na takija zabojstvy ŭ dyktatara, jakomu čym bolš u Biełarusi kahości pazabivajuć (choć zubroŭ ź miedźviadziami, choć mastakoŭ na Płoščy Pieramienaŭ ci ŭ Haradzienskaj turmie), tym lepš?! Tut ža vidavočnyja psichičnyja devijacyi - praha zabivać. Niezdarma, siarod MUSaroŭ vielmi vysoki adsotak palaŭničych.