Аляксандр Лукашэнка 18 лістапада падпісаў указ № 420, якім мяняюцца правілы палявання.
Указам дазваляецца паляванне на мядзведзя і рысь у асаблівым рэжыме — на падставе планаў кіравання папуляцыямі, якія распрацоўваюцца Нацыянальнай акадэміяй навук Беларусі.
Дадзенае рашэнне прынята, паколькі колькасць гэтых жывёл значна ўзрасла і мае патрэбу ў рэгуляванні, піша Белта.
Акрамя таго, Міністэрству лясной гаспадаркі нададзеныя паўнамоцтвы на вызначэнне пераліку патронаў (калібраў) наразной паляўнічай зброі, дазволеных для здабычы паляўнічых жывёл у залежнасці ад віду і (або) узросту.
Асноўныя палажэнні ўказа ўступаюць у сілу праз шэсць месяцаў пасля афіцыйнага апублікавання.
Гэта рашэнне лабіравала Беларускае таварыства паляўнічых і рыбаловаў і асабіста ягоны кіраўнік, былы міністр унутраных спраў Ігар Шуневіч. Ён ужо некалькі гадоў праводзіць настойлівую кампанію за выключэнне з Чырвонай кнігі і ўключэнне ў лік паляўнічых відаў на тэрыторыі Беларусі бурага мядзведзя і рысі.
Таксама Шуневіч выказваўся за тое, каб пачаць паляваць на буслоў, журавоў і лебедзяў.
Ганна Канапацкая патлумачыла, чаму не выдаляе здымкі з БЧБ-сімволікай з сацсетак. Вы будзеце смяяцца4
Каментары
а на самай справе? ліцэнзіі на адстрэл будуць прадаваць
чарговая крыніца даходу
Ну які нармальны чалавек так будзе прагнуць забіць мядзведзя ці бусла, зубра ці лебедзя, рысь ці журава, каб аж пралабіяваць права на такія забойствы ў дыктатара, якому чым больш у Беларусі кагосьці пазабіваюць (хоць зуброў з медзвядзямі, хоць мастакоў на Плошчы Пераменаў ці ў Гарадзенскай турме), тым лепш?! Тут жа відавочныя псіхічныя дэвіяцыі - прага забіваць. Нездарма, сярод МУСароў вельмі высокі адсотак паляўнічых.