U Francyi baćka niekalki hadoŭ hvałciŭ svaju dačku-padletka i prapanoŭvaŭ inšym

Jak piša Le Monde, siamiejnaja drama pačałasia ŭ 2019 hodzie. Žychar nievialičkaha haradka Salerne (Salernes, poŭdzień Francyi) trymaŭ svaju pryjomnuju dačku pad poŭnym kantrolem.

Jon mieŭ dostup da jaje sacyjalnych sietak, davaŭ dazvoł na sustrečy ź siabrami i prahułki. Kali dziaŭčyncy było 13 hadoŭ, mužčyna ŭhavoraŭ, pahrozami i abrazami prymusiŭ jaje da seksualnych adnosin.

Padčas śledstva mužčyna sprabavaŭ dakazać, što jon tolki sastupiŭ prośbam svajoj padčarycy, jakuju jon vyhadavaŭ i ź jakoj u jaho skłalisia ramantyčnyja adnosiny.

Ale sud u heta nie pavieryŭ. «Havorka idzie nie pra kachańnie, a pra ŭładu i panavańnie. Jamu padabałasia mieć nad joj usiu ŭładu, kab jana naležała i padparadkoŭvałasia jamu», — cytuje vydańnie słovy hienieralnaha prakurora horada Var, dzie adbyŭsia sud.

Jak vyśvietliła śledstva, praź niekatory čas hvałtaŭnik staŭ zaprašać da ŭdziełu inšych mužčyn, jakich šukaŭ praz sajty znajomstvaŭ. Tam jon pradstaŭlaŭ siabie ź dziaŭčynkaj jak maładuju paru 26 i 20 hadoŭ, jakaja imkniecca da zadavalnieńnia svaich fantazij. Sustrečy adbyvalisia jak u Salerne, tak i ŭ susiednich haradach. Viadoma jak minimum ab troch dziasiatkach takich vypadkaŭ.

Padčas takich sustreč jon zvyčajna zaviazvaŭ svajoj achviary vočy i kiravaŭ pracesam, jaki zdymaŭ na videa.

Śledčyja zdoleli adšukać tolki adnaho čałavieka, jaki skarystaŭsia prapanovaj. Heta 60-hadovy mužčyna, baćka šaściarych dziaciej. Jon byŭ vykryty dziakujučy hieałakacyi adnoj z fatahrafij ci videazapisaŭ z udziełam paciarpiełaj, znojdzienych na pryładach ajčyma dziaŭčynki.

Na sudzie hety mužčyna zajaviŭ, što byŭ uciahnuty ŭ toje, što adbyvajecca, miarkujučy, što ŭdzielničaje ŭ realizacyi fantazij darosłaj pary. Jon pryznaŭsia, što nie pytaŭsia zhody dziaŭčyny, bo mužčyna, jaki jaje «supravadžaŭ», daŭ hetu zhodu.

Adnak fatahrafii, pradstaŭlenyja na sudzie, jak zaŭvažajuć śledčyja, nie pakidajuć sumnievaŭ va ŭzroście i emacyjnym stanie achviary.

Nasille praciahvałasia try hady, pakul u žniŭni 2021 hoda dziaŭčynka ŭ ślazach nie źbiehła ad svajho hvałtaŭnika ŭ adnym z kurortnych haradkoŭ. Da jaje padyšła adna z žančyn, vysłuchała i adviała ŭ palicyju, niahledziačy na šmatlikija zvanki i paviedamleńni ajčyma.

Sud pryhavaryŭ 38-hadovaha hvałtaŭnika da maksimalnaha terminu — 20 hadoŭ turmy. 60-hadovy klijent atrymaŭ 16 hadoŭ.

• 10
• 0
• 1
• 1
• 6
• 8
• 8
• 0