Ministr kultury Respubliki Biełaruś Pavieł Łatuška pa zaprašeńni Ministra kultury i nacyjanalnaj spadčyny Respubliki Polšča Bohdana Zdrajeŭskaha siońnia nakiravaŭsia ŭ Polšču. Vizit raźličany na dva dni.
U čas znachodžańnia P.Łatuški ŭ Polščy zapłanavanyja pieramovy, na jakich płanujecca abmierkavać chod realizacyi prahramy supracoŭnictva ŭ śfiery kultury, supracoŭnictva ŭ śfiery kiniematahrafii, ustanaŭleńnie ŭ .Varšavie pomnika Ja.Kupału i Ja.Kołasu, i inšyja, paviedamlaje sajt Minkultu Biełarusi. P.Łatuška taksama praviadzie pieramovy z kiraŭnictvam Polskaha instytuta kinamastactva, Fonda polskaj kultury, z deputatami Siejma Polščy.
Taksama paviedamlajecca, što z upaŭnavažanym polskaha urada pa spravach śviatkavańnia 600-j hadaviny bitvy pad Hrunvaldam, Piatrom Žuchoŭskim budzie abmierkavany chod padrychtoŭki da sumiesnaha śviatkavańnia 600-hodździa Hrunvaldskaj bitvy na Biełarusi i ŭ Polščy.
U chodzie vizitu P.Łatuška prymie ŭdzieł u śviatočnych mierapryjemstvach, pryśviečanych 200-hodździu z dnia naradžeńnia F.Šapena, u tym liku ŭ cyrymonii adkryćcia muzieja Fryderyka Šapena ŭ Varšavie.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary