Міністр культуры Рэспублікі Беларусь Павел Латушка па запрашэнні Міністра культуры і нацыянальнай спадчыны Рэспублікі Польшча Богдана Здраеўскага сёння накіраваўся ў Польшчу. Візіт разлічаны на два дні.
У час знаходжання П.Латушкі ў Польшчы запланаваныя перамовы, на якіх плануецца абмеркаваць ход рэалізацыі праграмы супрацоўніцтва ў сферы культуры, супрацоўніцтва ў сферы кінематаграфіі, устанаўленне ў .Варшаве помніка Я.Купалу і Я.Коласу, і іншыя, паведамляе сайт Мінкульту Беларусі. П.Латушка таксама правядзе перамовы з кіраўніцтвам Польскага інстытута кінамастацтва, Фонда польскай культуры, з дэпутатамі Сейма Польшчы.
Таксама паведамляецца, што з упаўнаважаным польскага урада па справах святкавання 600-й гадавіны бітвы пад Грунвальдам, Пятром Жухоўскім будзе абмеркаваны ход падрыхтоўкі да сумеснага святкавання 600-годдзя Грунвальдскай бітвы на Беларусі і ў Польшчы.
У ходзе візіту П.Латушка прыме ўдзел у святочных мерапрыемствах, прысвечаных 200-годдзю з дня нараджэння Ф.Шапэна, у тым ліку ў цырымоніі адкрыцця музея Фрыдэрыка Шапэна ў Варшаве.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»3
Каментары