Paŭstancy ŭvajšli ŭ Damask. Urad zajaviŭ pra hatoŭnaść pieradać uładu. Dzie Asad, nieviadoma
Paŭstancy ŭvajšli ŭ stalicu Siryi Damask, asadaŭskija vojski adstupajuć, paviedamlajuć paŭstancy. Dzie znachodzicca prezident Siryi Bašar Asad, pa-raniejšamu nie viadoma. Prykmiet jaho prysutnaści nie nazirajecca ŭžo niekalki dzion. Bolš za 50-hadovaje kiravańnie asadaŭskaha režymu skončyłasia.
Damask, imavierna, pierajšoŭ da paŭstancaŭ. ŚMI pišuć, što ŭ centry Damaska pačali źbiracca ludzi, jakija śviatkujuć źviaržeńnie režymu Bašara Asada. Premjer-ministr krainy zajaviŭ, što hatovy prymać lubyja zachady pa «pieradačy» ŭłady paśla taho, jak paŭstancy ŭvajšli ŭ stalicu, piša Ruskaja słužba Bi-bi-si.
Reuters: Asad pakinuŭ Damask
Prezident Siryi Bašar Asad pakinuŭ Damask u nieviadomym napramku, paviedamiła Reuters. Za ŭvieś hety čas jon nie zrabiŭ nivodnaj zajavy.
Uradavyja vojski, jakija znachodzilisia ŭ aeraporcie, pavodle źviestak manitorynhavaj hrupy, byli evakuiravany paśla jaho vyletu.
U samim aeraporcie Damaska naziraŭsia chaos. Na kadrach videa bačna, jak dziasiatki ludziej sprabujuć pakinuć krainu. Tam amal nie było piersanału, a na sajtach, jakija adsočvajuć paloty, nie było zafiksavana nivodnaha vyletu.
Rasijskaje dziaržahienctva «RIA Naviny»paviedamlaje, što ŭsie supracoŭniki pakinuli mižnarodny aeraport Damaska, jaho praca całkam spyniena.
Siryjski Ił-76, jaki moh vieźci Bašara Asada, źnik z radaraŭ paśla rezkaha źnižeńnia, paviedamiŭ Axios sa spasyłkaj na FlightRadar.
Mahčyma jak toje, što samalot mahli źbić, tak i mahli pieradatčyk adklučyć naŭmysna, z-za čaho Ił-76 źnik z radaraŭ.
Premjer Siryi zajaviŭ ab hatoŭnaści pieradać uładu
Premjer-ministr Siryi Muchamad Hazi al-Džałali zajaviŭ, što hatovy supracoŭničać ź lubym kiraŭnictvam, abranym siryjskim narodam, i prymać lubyja miery pa «pieradačy» ŭłady.
«Hetaja kraina moža być narmalnaj krainaj, jakaja buduje dobryja adnosiny sa svaimi susiedziami i z usim śvietam (…), ale hetaje pytańnie treba budzie vyrašać lubomu kiraŭnictvu, abranamu siryjskim narodam. My hatovy supracoŭničać ź im, kab zabiaśpiečyć jamu ŭsie mahčymyja ŭmovy», — skazaŭ kiraŭnik urada.
Jon zaklikaŭ zachavać «usie instytuty siryjskaj dziaržavy» i zajaviŭ, što hatovy padtrymać dalejšaje kiravańnie dziaržaŭnymi spravami.
Ahienctva AFP sa spasyłkaj na lidara paŭstancaŭ pieradaje, što dziaržaŭnyja ŭstanovy ŭ Damasku zastanucca pad kantrolem premjer-ministra da aficyjnaj pieradačy ŭłady.
Adkryli turmu dla palitźniavolenych
Siły paŭstancaŭ zajavili, što zachapili raźmieščanuju kala Damaska turmu Sajednaja i vyzvalili źniavolenych.
U turmu Sajednaja z samaha pačatku hramadzianskaj vajny ŭ Siryi ŭ 2011 hodzie źmiaščali praciŭnikaŭ režymu Bašara Asada.
#Syria: the first groups of prisoners is leaving the cells of the Sednaya prison following the collapse of the #Assad regime. pic.twitter.com/JCW2kEksVa
U 2017 hodzie Amnesty International apisvała hetaje miesca jak «čałaviečuju bojniu». U spravazdačy pravaabaroncaŭ śćviardžałasia, što za pieršyja piać hadoŭ vajny tut va ŭmovach poŭnaj sakretnaści pakarali śmierciu ad 5 tys. da 13 tys. čałaviek.
Pravaabarončaja hrupa taksama zajaŭlała, što pakarańni, jak vidać, byli sankcyjanavanyja na samym vysokim uzroŭni, i pryraŭnoŭvała takuju praktyku da vajennych złačynstvaŭ i złačynstvaŭ suprać čałaviečnaści.
Režym Asada adchiliŭ zajavy Amnesty International jak «biespadstaŭnyja» i «niedakładnyja», pavodle jaho, usie pakarańni ŭ Siryi pravodzilisia ŭ adpaviednaści z naležnaj pravavoj praceduraj.
Akaŭnt Kabančuka ŭzłamali — ale ci biełaruskija śpiecsłužby?11
Kamientary
Čitvjtie bbc raqqa's dirty secret, nu i pro biełorusskuju armiju v Uels tolko nie imiejuŝije ničieho obŝieho s Biełaruśju jevrieje nie znajut.