U Rasii vajskovy lekar užyŭlaŭ askiepki bojeprypasaŭ dla imitacyi ranieńniaŭ i atrymańnia vypłat
Vynachodlivyja vajskoŭcy takim čynam «zarabili» bolš za 100 tysiač dołaraŭ.
U Rasii zaviali kryminalnuju spravu suprać vajskovaha lekara, jaki, pavodle viersii śledstva, užyŭlaŭ askiepki bojeprypasaŭ dla imitacyi ranieńniaŭ i atrymańnia vypłat.
Pra heta raspavioŭ kiraŭnik Śledčaha kamiteta Alaksandr Bastrykin, piša RIA «Naviny».
«Vajskovy miedyk razam z dvuma vyšejšymi słužbovymi asobami pravodziŭ chirurhičnyja apieracyi pa ŭšyvańni askiepkaŭ bojeprypasaŭ dla imitacyi ranieńniaŭ. Zatym u dakumienty ŭnosilisia fiktyŭnyja źviestki, na padstavie jakich ažyćciaŭlalisia vypłaty», — zajaviŭ Bastrykin.
Pavodle jaho słoŭ, takim čynam fihuranty spravy vykrali bolš za 12 miljonaŭ rasijskich rubloŭ (115 tysiač dołaraŭ).
U 2022 hodzie Pucin padpisaŭ ukaz ab vypłacie za ranieńnie na vajnie va Ukrainie ŭ pamiery 3 miljonaŭ rubloŭ (ciapier heta amal 29 tysiač dołaraŭ). U listapadzie 2024 hoda vypłatu za ranieńnie, jakoje pryviało da invalidnaści, pavialičyli da 4 miljonaŭ (bolš za 38 tysiač dołaraŭ).
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary