«Kali ciabie zvolnili ź miantoŭki». Siłaviki zatrymali jašče adnaho tyktokiera za videa pra milicyju
Śćviardžajecca, što niadaŭna jaho zvolnili z orhanaŭ.
Siłaviki zatrymali błohiera Alaksieja, jaki źniaŭ videa paśla zvalnieńnia ź milicyi. Prynamsi tak śćviardžaje blizki da siłavikoŭ kanał.
U roliku, jaki pakul nie vydaleny z tyktoka, chłopiec adkryvaje rot pad huk z łozunham kryminalnaj subkultury AUJE «Žyćcio złodziejam, śmierć musaram». A nadpis na videa abviaščaje: «Ty, kali ciabie zvolnili ź miantoŭki».
Kanał siłavikoŭ paviedamlaje, što 20-hadovaha błohiera niadaŭna zvolnili ź milicyi, paśla čaho jon i zapisaŭ taki rolik. Videa sabrała amal 32 tysiačy prahladaŭ i trapiłasia na vočy byłym kaleham Alaksieja.
Apošni rolik na kanale, na jaki padpisanyja 617 čałaviek, vyjšaŭ piać hadzin tamu. Miarkujučy pa ŭsim, tyktokiera zatrymali.
Što jamu pahražaje, nieviadoma. Adnak siłaviki śćviardžajuć, što jon «vielmi škaduje i ŭ dalejšym zdymać videa dla tyktoka nie maje namieru».
Učora stała viadoma ab zatrymańni za niepavahu da orhanaŭ 18-hadovaj dziaŭčyny — jana źniała videa ŭ tyktoku, imavierna, pra svajho chłopca-milicyjanta.
-
«Kučaravieńkaja, ź flejtaj»: Sieviaryniec raskazaŭ, pra ŭdzieł Maryi Kaleśnikavaj u Maładym froncie
-
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
-
Pavieł Sieviaryniec raskazaŭ, što dumaje pra ahienta KDB u šerahach svajoj partyi Jaŭhiena Dudkina
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
Kamientary
Chiba išła havorka pra AMAP?
Pa ŭzroście moh tolki zamiest terminovaj. Ale ciapier u takim vypadku adpracavać u miantury treba nie dva hady, a piać. Tak što, mahčyma, zvolnili za niejkuju pravinu, a ŭ vojska zabrać nie paśpieli.