«Калі цябе звольнілі з мянтоўкі». Сілавікі затрымалі яшчэ аднаго тыктокера за відэа пра міліцыю
Сцвярджаецца, што нядаўна яго звольнілі з органаў.
Сілавікі затрымалі блогера Аляксея, які зняў відэа пасля звальнення з міліцыі. Прынамсі так сцвярджае блізкі да сілавікоў канал.
У роліку, які пакуль не выдалены з тыктока, хлопец адкрывае рот пад гук з лозунгам крымінальнай субкультуры АУЕ «Жыццё злодзеям, смерць мусарам». А надпіс на відэа абвяшчае: «Ты, калі цябе звольнілі з мянтоўкі».
Канал сілавікоў паведамляе, што 20-гадовага блогера нядаўна звольнілі з міліцыі, пасля чаго ён і запісаў такі ролік. Відэа сабрала амаль 32 тысячы праглядаў і трапілася на вочы былым калегам Аляксея.
Апошні ролік на канале, на які падпісаныя 617 чалавек, выйшаў пяць гадзін таму. Мяркуючы па ўсім, тыктокера затрымалі.
Што яму пагражае, невядома. Аднак сілавікі сцвярджаюць, што ён «вельмі шкадуе і ў далейшым здымаць відэа для тыктока не мае намеру».
Учора стала вядома аб затрыманні за непавагу да органаў 18-гадовай дзяўчыны — яна зняла відэа ў тыктоку, імаверна, пра свайго хлопца-міліцыянта.
-
Стала вядома, якога святара-стараабрадца затрымалі ў Пастаўскім раёне
-
Хлопец з-пад Шаркаўшчыны пакінуў у спакоі сантэхніку — якую раней метадычна краў, — пайшоў у аўтаматчыкі і ўрэшце згінуў пад Купянскам
-
Грамадзяніну Літвы, што ладзіў у Пастаўскім раёне стараверскія богаслужэнні, пагражае дэпартацыя
Каментары
Хіба ішла гаворка пра АМАП?
Па ўзросце мог толькі замест тэрміновай. Але цяпер у такім выпадку адпрацаваць у мянтуры трэба не два гады, а пяць. Так што, магчыма, звольнілі за нейкую правіну, а ў войска забраць не паспелі.