Suviaź 5G chutka pryjdzie ŭ Biełaruś, ale času spatrebicca šmat
Namieśnik ministra suviazi Pavieł Tkač raskazaŭ pra pierśpiektyvy 5G u Biełarusi.
Ministerstva suviazi źbirajecca pačać ukaranieńnie technałohii 5G u Biełarusi ŭ 2025 hodzie.
U viedamstvie miarkujuć, što novaje rašeńnie dazvolić u dziasiatki razoŭ pavialičyć chutkaść pieradačy ŭ sietkach, piša «Točka».
«Pierad nami staić zadača maksimalna chutka pakryć usiu terytoryju, ale, kab adčuć efiekt, pačniem z bujnych haradoŭ: Minsk i abłasnyja centry, harady 80-tysiačniki», — raskazaŭ Pavieł Tkač.
Termin, za jaki 5G budzie praviedzieny sa stalicy ŭ maleńkija harady, pakul abmiarkoŭvajecca. Prykładna havorka moža iści pra piać hadoŭ.
Časavyja ramki i ŭmovy vyznačać u narmatyŭnych pravavych aktach, adnak sami dakumienty pakul nie padpisanyja. Pry hetym u Biełarusi tolki zaviaršajuć raźvićcio technałohij 3G i 4G.
U listapadzie ministr suviazi Kanstancin Šulhan kazaŭ, što karystalniku ŭsio adno, jakaja technałohija vykarystoŭvajecca.
«Ale 5G — heta ŭsiaho tolki technałohija. Karystalniku ŭsio roŭna: 5G, 6 abo 4. Kali vy atrymlivajecie jakasnuju pasłuhu, to nie zadumvajeciesia nad tym, pa jakoj technałohii jana akazvajecca. U nas jašče jość reziervy pa raźvićci 4G», — adznačaŭ tady ministr.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary