Pasiarednikam u pastaŭkach supraćtankavych rakietnych kompleksaŭ była Bałharyja.
Alaksandr Łukašenka padtrymlivaŭ i praciahvaje padtrymlivać Bašara Asada, užo byłoha prezidenta Siryi. Ale, padobna, što pry hetym siryjskaja apazicyja atrymlivała biełaruskaje ŭzbrajeńnie, paviedamlaje Biełaruski rasśledavalnicki centr. Jak tak stałasia?
U 2015 hodzie Biełaruś adpraviła ŭ Bałharyju 240 pieranosnych supraćtankavych rakietnych puskavych ustanovak ATGS 9P135M «Konkurs», a taksama 140 ručnych hranatamiotaŭ AGS-17 na ahulnuju sumu €37,9 młn. U tym ža hodzie Safija pieradała 136 ustanovak «Konkurs» ZŠA i jašče 80 — Saudaŭskaj Aravii. «Konkursy» — heta savieckija supraćtankavyja rakietnyja kompleksy. Ekśpierty kažuć, što dla patrebaŭ amierykanskaha i saudaŭskaha vojskaŭ jany nie ŭjaŭlali cikavaści. U hety pieryjad ZŠA realizoŭvali prahramu pa ŭzbrajeńni siryjskaj apazicyi.
Aproč taho, pradstaŭniki amierykanskaj abaronnaj kampanii «Regulus Global» u imejł-pierapiscy śćviardžali, što jaje vajskovyja instruktary prachodzili ŭ Biełarusi navučańnie pa vykarystańni takich STRK. Heta stała viadoma z materyjałaŭ spravy ab hibieli adnaho z hetych instruktaraŭ u Bałharyi praź niaščasny vypadak na palihonie. Centr pa daśledavańni karupcyi i arhanizavanaj złačynnaści OCCRP nazvaŭ «Regulus Global» padradčykam Pientahonu.
Pradstaŭnik Kamandavańnia śpiecyjalnych apieracyjaŭ ZŠA lejtenant-kamander Mećju Alen u kamientary vydańniu BuzzFeed u 2015 hodzie taksama zajaviŭ, što Pientahon nabyvaŭ u Biełarusi rakiety dla prahramy ŭzbrajeńnia siryjskich paŭstancaŭ.
Pry hetym Alaksandr Łukašenka nie raz vykazvaŭ padtrymku Bašaru Asadu. Paśla źjaŭleńnia paviedamleńniaŭ pra ŭcioki apošniaha ŭ Maskvu, Łukašenka zapeŭniŭ, što z byłym siryjskim lidaram u jaho «dobryja byli čałaviečyja stasunki».
«Nijaki jon nie dyktatar. Jon lekavaŭ ludziej jak lekar. Jon nikoli nikoha nie zabivaŭ», — skazaŭ Łukašenka 10 śniežnia padčas pracoŭnaj pajezdki ŭ Barysaŭ.
-
Vyjšaŭ na svabodu 76-hadovy Siamion Dobkin, brat zasnavalnika EPAM
-
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie
-
Ciažarnuju minčanku zatrymali na miažy pry viartańni ź Litvy za abrazu Kubrakova
Vyjšaŭ na svabodu 76-hadovy Siamion Dobkin, brat zasnavalnika EPAM2
Kamientary