Ułady pašyryli «ekstremisckaje farmavańnie» prajekta «Zierkało». Takoj farmuloŭki raniej nie było
17 śniežnia ŭ pieraliku «ekstremisckich farmavańniaŭ» na sajcie Ministerstva ŭnutranych spraŭ Biełarusi ŭžo druhi raz byŭ zhadany miedyjaprajekt «Zierkało». Pryčym z paznakaj, jakaja sustrakajecca ŭ hetym śpisie ŭpieršyniu: «Dapaŭnieńnie ŭ ekstremisckaje farmavańnie «Zierkało / Zerkalo.io», piša Biełaruskaja asacyjacyja žurnalistaŭ.
Pavodle abviestki na sajcie, adpaviednaje rašeńnie «Ab pryznańni hrupy hramadzian ekstremiskim farmavańniem i zabaronie jahonaj dziejnaści» było pryniataje MUS 17 śniežnia i ŭ hety ž dzień ustupiła ŭ zakonnuju siłu.
Zhodna z hetym rašeńniem, u pieraliku na sajcie viedamstva zhadvajucca asoby, jakija nibyta ździajśniali «ekstremisckuju dziejnaść» na niekalkich placoŭkach u tyktoku.
Asobna zhadany łahatyp — «u vyhladzie farmalizavanaj vyjavy biełaha hołuba, jaki trymaje halinku, na čyrvonym fonie». Apisańnie hetaha łahatypa sustrakajecca ŭ «ekstremisckim» pieraliku MUS užo druhi raz.
Upieršyniu miedyjaprajekt «Zierkało» byŭ zhadany ŭ pieraliku «ekstremisckich farmavańniaŭ» 12 červienia 2023 hoda. Rašeńnie pra heta Ministerstvam unutranych spravaŭ było pryniata na try dni raniej — 9 červienia.
U im nie było zhadak pra kankretnych asobaŭ, ale pieraličvalisia internet-resursy, afilavanyja z prajektam: internet-sajt, niekalki telehram-kanałaŭ, kanał na videasiervisie YouTube, staronki ŭ sacyjalnych sietkach «VKontaktie», «Odnokłaśśniki», Facebook, Twitter, Instagram i navat aplikacyja dla mabilnych telefonaŭ.
Jašče da taho, jak miedyjaprajekt trapiŭ pieralik «ekstremisckich farmavańniaŭ», kantent sajta i sacyjalnych sietak «Zierkała» byŭ pryznany «ekstremisckaj infarmacyjnaj pradukcyjaj». Adbyłosia heta jašče ŭ žniŭni 2021 hoda.
Ekstremisckim farmiravańniem upieršyniu pryznali teatralnuju trupu
s13ru i «Piśmo.bieł» pryznali ekstremisckimi farmavańniami
Mininfarmacyi patłumačyła, čamu ŭ Biełarusi pakul nie buduć zabaraniać sacsietki
Hienprakuratura abiacaje nie karać aŭtara rolika ŭ tyktoku, kali «ekstremiscki» resurs vykarystaje heta videa
Stała viadoma pra aryšt minskaha chirurha z 17-hadovym stažam. Joj pahražaje ahromnisty termin za palityku5
Kamientary