MZS Rasii: Ličym nieabchodnym udzieł Biełarusi ŭ pieramovach pa Ukrainie
Pradstaŭnik MZS Rasii Maryja Zacharava padtrymała patrabavańnie biełaruskaha namieśnika ministra Juryja Ambrazieviča.
Rasija ličyć nieabchodnym udzieł Biełarusi ŭ mirnych pieramovach z Ukrainaj. Pra heta zajaviła pradstaŭnica MZS Maryja Zacharava, piša TASS.
«My vysoka cenim i padtrymlivajem mirnyja namahańni Minska, ličym važnym i nieabchodnym padklučeńnie našaha bližejšaha sajuźnika da mahčymych pieramoŭ, pierahavornych pracesaŭ, jakija buduć prachodzić z udziełam Rasii», — skazała jana.
Sa słoŭ Zacharavaj, «ulik biełaruskich intaresaŭ, u tym liku ŭ halinie biaśpieki, naležyć da absalutnych pryjarytetaŭ Rasii».
Dniami namieśnik ministra zamiežnych spraŭ Biełarusi Juryj Ambrazievič zajaviŭ, što Minsk pretenduje na «miesca za stałom mirnych pieramovaŭ pa Ukrainie, kali jany pačnucca» i što Biełaruś choča atrymać «harantyi biaśpieki».
Va ŭkrainskim MZS jamu adkazali, što Biełaruś maje prava pretendavać tolki na «spraviadlivaje raźbiralnictva ŭ ramkach pracesu pa pryciahnieńni ahresara i jaho pasłuhačoŭ» da adkaznaści za złačynstva ahresii.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač38
Kamientary
Zaprašać vasałaŭ navat Kramlu sensu niama - nia tyj vypadak, bo tut nie AAN, dzie bolšaść hałasoŭ moža niešta vyrašyć. A zaprašać amal što całkam padkantrolnaha Łukašenku dziela taho, kab tolki simvalična padniać jahonuju subjektnaść u vačach suśvietu- Kramlu ŭvohule nie patrebna. Pieramovy pa spynieńni ahniu - sprava vielmi žorstkaja i cyničnaja ź minimalnaj kolkaściu prysutnych i z bolšaha niepubličnaja. Tut słuchajuć tolki tych, chto albo niepasredna zdolny spynić ahoń, albo vyrašalna ŭpłyvaje na spynieńnie ahniu. Pa ŭsich prykmietach - navat kali da pieramovaŭ dojdzie, to palityčnaha ŭrehulavańnia kanfliktu tam nie praduhledžvajecca. Bo dla hieapalityčna blizarukaha Trampa heta nadta składana, niepaźbiežna vykliča šmat krytyki ŭ jahony adras, ale zaŭvažnych palityčnych ačkoŭ Trampu nie dadaść. U vypadku ž prostaha spynieńnia stralaniny hety narcys vierniecca na radzimu i pad avacyju chałujoŭ z GOP horda zajavić: "Ja pryviez mir!". Bo naŭradci jon viedaje, chto taki Čembierlen.