Aleś Čyhir, nastaŭnik z Babrujsku, zvolnili z pracy za ŭdzieł u Dni Voli, siońnia prykuŭ siabie da lichtarnaha słupa na hałoŭnaj płoščy horadu. Jaho adrazu zatrymali i hruba advałakli ŭ mašynu. Z prymianieńniem hrubaj fizyčnaj siły byli zatrymanyja i prysutnyja žurnalisty.
Aleś Čyhir, nastaŭnik z Babrujsku, baćka traich małych dziaciej, jakoha zvolnili z pracy za ŭdzieł u Dni Voli, siońnia prykuŭ siabie da lichtarnaha słupa na hałoŭnaj płoščy Babrujsku. U rukach jon trymaŭ plakat z vytrymkaj z 41-ha artykuła Kanstytucyi pra prava na pracu.
Jaho zatrymali i hruba advałakli ŭ mašynu.
Z prymianieńniem hrubaj fizyčnaj siły byli zatrymanyja i prysutnyja žurnalisty.
Z nami paśpieła źviazacca naša fotakarespandentka Julija Daraškievč. Jana paviedamiła, što žurnalistaŭ hruba zašturchali ŭ mašynu. Supracoŭnik milicyi (pavodle jaje słoŭ — padpałkoŭnik Siarhiej Hłuško) sprabavaŭ paškodzić abjektyŭ jejnaj fatakamery, baluča załamaŭ ruki.
Siarod zatrymanych Halina Abakunčyk («Radyjo Svaboda»), Siarhiej Pulša («BiełaPAN»), Paŭluk Kanavalčyk («Navinki»), Valery Laŭkoŭ («Trud»), a taksama žurnalisty «Salidarnaści», «Babrujskaha kurjera». Ich proźviščy Julija nie paśpieła nazvać. Usiaho 12 zatrymanych, 11 ź ich – žurnalisty, dvoje – rasiejcy. Siarhieja Pulšu, Paŭluka Kanavalčyka, Kaciu Hierasienkovu trymajuć asobna.
Zaraz usich viazuć u mašynie kamunalnych słužbaŭ, jakuju milicyjanty ŭziali, nie čakajučy aŭtazaku, razam z azielanialnikami, jakija pryjechali rychtavać horad da «Dažynak». Azielanialniki aburajucca i turbujucca, chto apłocić benzyn. Supracoŭniki milicyi ŭvieś čas viaduć videazdymku.
13.15 Zatrymanyja znachodziacca ŭ zali pasiedžańniaŭ milicejskaha adździaleńnia. Ich praciahvajuć zdymać na videa. Pierad hetym byli pierapisanyja ichnyja źviestki. Aleś Čyhir, vierahodna, znachodzicca ŭ vośmym apornym punkcie.
13.50 Žurnalistaŭ abiacajuć chutka vypuścić. Ale z hetaj nahody nie dazvalajuć vyjści ŭ prybiralniu. Alesiu Čyhiru, vierahodna, budzie pradjaŭlenaje abvinavačańnie ŭ praviadzieńni niesankcyjanavaha pikietu i niepadparadkavańnie supracoŭniku milicyi.
14.10 Zatrymanym pačali addavać pašparty. Adnak našaj fotakarespandentcy Julii Daraškievič pašpart nie addali, skazaŭšy, «mahčyma, jon pabudzie ŭ nas da sudu».
15.30 Julii Daraškievič viarnuli pašpart. Jula raskazała, što usich zatrymanych žurnalistaŭ vyklikajuć pa čarzie da namieśnika načalnika Babrujskaha RUUS padpałkoŭnika Siarhieja Hłuška na "prafiłaktyčnyja hutarki". Pry ŭvachodzie patrabujuć pakinuć usiu aparaturu, adklučyć telefony.
Sp. Hłuško zadaje pytańni kštałtu "Ci byli vy ŭdzielnikami hetaj akcyi" i "Kolki vam płaciać?". Našaj fotakarespandentcy jon zajaviŭ, što vielmi lubić Uładzimiera Lenina, bo toj kazaŭ, što intelihiencyja - nie mazhi, a haŭno.
Paśla prafilaktyčnych hutarak "apytanych" žurnalistaŭ a 15.40 pačali adpuskać. Pakul vypuścili piać čałaviek.
U Alesia Čyhira pry zatrymańni paškodžana ruka
❏
Cytata ź interviju z Alesiem Čyhirom, apublikavanaha 17 žniŭnia:
«NN»: Spadaru Aleś, što Vy źbirajeciesia rabić u hetaj sytuacyi?
AČ: Źbirajusia zmahacca. Choć u našaj krainie zmahańnie pa takich pytańniach nosić vyklučna farmalny charaktar. Ja daŭ im času abdumacca da 31 žniŭnia; kali majo pytańnie nia budzie vyrašana stanoŭča, to ja maju prava źviartacca ŭ sud. U mianie ž troje małych dziaciej. Nia vyklučana, što ja navat budu vykarystoŭvać bolš radykalnyja metady zmahańnia, jak, skažam, haładoŭka.
Čyhiru nie padoŭžyli kantraktu
❏
Kamientary