Partyzany «Ateš» paviedamili pra ździejśnienuju imi dyviersiju na čyhuncy kala rasijskaha arsienała ŭ Ćviarskoj vobłaści
Pa źviestkach «Ateš», na 107-m arsienale zachoŭvajucca balistyčnyja rakiety «Iskander», rakiety «Točka-U», snarady dla artyleryi vialikaha kalibra i bojeprypasy dla RSZA.
«Ahienty ruchu «Ateš» (z krymskatatarskaj «Ateš» — ahoń) paśpiachova ździejśnili dyviersiju na čyhuncy ŭ rajonie nasielenaha Staraja Taropa Ćviarskoj vobłaści.
Hety ŭčastak šlachu vykarystoŭvajecca dla zabieśpiačeńnia frontu bojeprypasami z 23-ha i 107-ha arsienałaŭ HRAU, jakija źjaŭlajucca stratehična važnymi abjektami dla rasijskaj vajennaj infrastruktury», — havorycca ŭ paviedamleńni ruchu ŭ telehram-kanale.
Paškodžańnie čyhunki ŭskładnić pastaŭki bojeprypasaŭ, parušajučy važnuju liniju zabieśpiačeńnia rasijskich vojskaŭ na pieradavoj i pazbaŭlajučy ich mahčymaści apieratyŭna adnaŭlać svaje resursy, śćviardžajuć partyzany z «Ateš».
Pa źviestkach «Ateš», na 107-m arsienale zachoŭvajucca balistyčnyja rakiety «Iskander», rakiety «Točka-U», snarady dla artyleryi vialikaha kalibru i bojeprypasy dla RSZA. Na 23-m arsienale znachodziacca zapasy tankavych i artyleryjskich snaradaŭ, askołačna-fuhasnych min i bojeprypasaŭ dla minamiotaŭ, a taksama supraćtankavyja rakiety i kiravanyja snarady.
Rasijskija ŭłady pakul nie kamientavali paviedamleńni pra dyviersiju na čyhuncy.
-
ZŠA abiacajuć pavialičyć pastaŭki zbroi Ukrainie, ale nastojvajuć na «samaabaronie Jeŭropy» ŭžo da 2027 hoda
-
Rasijanie masiravanym udaram atakavali Kremienčuh: u horadzie źnikli elektryčnaść, vada i aciapleńnie
-
Častka Biełharada zastałasia bieź śviatła paśla taho, jak na horad upała rasijskaja bomba
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary