Партызаны «Атэш» паведамілі пра здзейсненую імі дыверсію на чыгунцы каля расійскага арсенала ў Цвярской вобласці
Па звестках «Атэш», на 107-м арсенале захоўваюцца балістычныя ракеты «Іскандэр», ракеты «Точка-У», снарады для артылерыі вялікага калібра і боепрыпасы для РСЗА.
«Агенты руху «Атэш» (з крымскататарскай «Атэш» — агонь) паспяхова здзейснілі дыверсію на чыгунцы ў раёне населенага Старая Таропа Цвярской вобласці.
Гэты ўчастак шляху выкарыстоўваецца для забеспячэння фронту боепрыпасамі з 23-га і 107-га арсеналаў ГРАУ, якія з'яўляюцца стратэгічна важнымі аб'ектамі для расійскай ваеннай інфраструктуры», — гаворыцца ў паведамленні руху ў тэлеграм-канале.
Пашкоджанне чыгункі ўскладніць пастаўкі боепрыпасаў, парушаючы важную лінію забеспячэння расійскіх войскаў на перадавой і пазбаўляючы іх магчымасці аператыўна аднаўляць свае рэсурсы, сцвярджаюць партызаны з «Атэш».
Па звестках «Атэш», на 107-м арсенале захоўваюцца балістычныя ракеты «Іскандэр», ракеты «Точка-У», снарады для артылерыі вялікага калібру і боепрыпасы для РСЗА. На 23-м арсенале знаходзяцца запасы танкавых і артылерыйскіх снарадаў, асколачна-фугасных мін і боепрыпасаў для мінамётаў, а таксама супрацьтанкавыя ракеты і кіраваныя снарады.
Расійскія ўлады пакуль не каментавалі паведамленні пра дыверсію на чыгунцы.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары