Zdaroŭje2121

U 19-hadovaj dziaŭčyny hrudzi pavialičylisia z druhoha pamieru da siomaha. Mahčyma, pryčynaj stała pryščepka ad karanavirusa

Paśla pieršaj dozy Pfizer pacyjenta adčuła pakołvańnie ŭ hrudziach, a paśla zaŭvažyła ich imklivy rost. Druhaja pryščepka paskoryła praces.

Zdymak pacyjentki z hrudziami 7-ha pamieru ŭ vyniku raźvićcia hihantamastyi paśla ŭviadzieńnia vakcyny Pfizer ad COVID-19. Fota: materyjały artykuła

U časopisie Journal of the American Society of Plastic Surgeons vučonyja apisali redki vypadak hihantamastyi, jaki sama pacyjentka źviazvaje z uviadzieńniem vakcyny Pfizer suprać COVID-19.

Hihantamastyja — heta patałahičny stan, pry jakim adbyvajecca praźmierny rost małočnych załoz. Patałohija moža raźvicca bieź jakich-niebudź vidavočnych pryčyn u pieryjad pałavoha paśpiavańnia abo padčas ciažarnaści. Jaje moža spravakavać pryjom lekaŭ abo narkotykaŭ. Isnuje i idyjapatyčnaja hihantamastyja, kali pryčyna nieviadomaja.

Śpiecyjalisty taksama źviartajuć uvahu, što ŭ vielmi redkich vypadkach hihantamastyja moža być vyklikana takim redkim zachvorvańniem jak psieŭdaanhiamatoznaja (što aznačaje «padobnaja da kryvianosnych sasudaŭ») hipierpłazija stromy (PASH) — dabrajakasnym novaŭtvareńniem małočnaj załozy.

Hety stan charaktaryzujecca zališnim razrastańniem fibroznaj (złučalnaj) tkanki ŭ małočnych załozach. Zvyčajna heta źviazana z pavyšanym uzroŭniem harmonaŭ estrahienu i prahiesteronu.

U bolšaści pacyjentak PASH nie vyklikaje nijakich simptomaŭ i čaściej za ŭsio vyjaŭlajecca vypadkova, naprykład, pry daśledavańni inšych zachvorvańniaŭ małočnych załoz. Adnak viadoma kala 20 vypadkaŭ, kali PASH pryviała da dvuchbakovaj hihantamastyi.

Aŭtary artykuła adznačajuć, što vypadak, jaki adbyŭsia z 19-hadovaj dziaŭčynaj, prymušaje zadumacca ab mahčymaj suviazi pamiž vakcynaj Pfizer, hihantamastyjaj i PASH.

Jak paviedamlajecca, dziaŭčyna, jakaja nikoli nie naradžała, u vieraśni 2022 hoda atrymała pieršuju dozu vakcyny Pfizer. U jaje miedycynskaj historyi nie było vyjaŭlena nijakich adchileńniaŭ, a analizy kryvi nie pakazali harmanalnych parušeńniaŭ.

Praz tydzień paśla vakcynacyi pacyjentka adčuła pakołvańnie ŭ hrudziach, a paśla zaŭvažyła ich imklivy rost. Druhaja pryščepka paskoryła praces. U vyniku za 6 miesiacaŭ pamier jaje hrudziej pavialičyŭsia z 2 (V) da 7 (GGG).

Padčas miedycynskaha ahladu hrudziej nie było vyjaŭlena nijakich prykmiet puchlin abo raspaŭsiudžvańnia zachvorvańnia na limfatyčnyja vuzły. Ultrahukavaja dyjahnostyka i kampjutarnaja tamahrafija hrudnoj kletki paćvierdzili značnaje dvuchbakovaje pavieličeńnie hrudziej, a bijapsija pakazała na fibraepitelnyja źmieny (dabrajakasny zališni rost tkanak). Daktary pasprabavali lačeńnie steroidami i antybijotykami, ale heta nie dapamahło.

Praz 11 miesiacaŭ paśla vakcynacyi, kali na praciahu 5 miesiacaŭ nie nazirałasia dalejšaha rostu hrudziej, pacyjentcy zrabili apieracyju pa ich pamianšeńni.

Vydalenaja tkanka. Fota: materyjały artykuła

Paśla apieracyi patołahi paćvierdzili, što tkanka małočnych załoz była hipiertrafiravanaja i ŭtrymlivała vyrazna akreślenyja ŭčastki PASH u abiedźviuch hrudziach. Masa vydalenaj tkanki ź levaj hrudzi skłała 1906 hramaŭ, z pravaj — 1664 hrama. 

Praź piać miesiacaŭ paśla apieracyi ŭ pacyjentki nazirałasia asimietryja hrudziej i praźmiernaja pihmientacyja areoł. Rost małočnych załoz bolš nie adnaŭlaŭsia. Paviedamlajecca, što abmiarkoŭvajecca mahčymaść paŭtornaha pamianšeńnia hrudziej, kab prybrać asimietryju i viarnuć pacyjentcy jaje raniejšy pamier.

Pacyjentka praz 5 miesiacaŭ paśla apieracyi. Fota: materyjały artykuła

Aŭtary artykuła adznačajuć nieabchodnaść dadatkovych daśledavańniaŭ dla taho, kab lepš zrazumieć pryčyny PASH, udakładnić kłasifikacyju hihantamastyi i razabracca ŭ mahčymych jaje suviaziach z vakcynacyjaj.

Kamientary21

  • Kanavały.
    05.01.2025
    Nie roŭna adrezali.
  • Žvir
    05.01.2025
    Nie paniatna, nu, hamon, ciapier Pfajzier azałaćcicca stakrat, praz takuju niečakanuju pabočku. A kali raptam vyjavicca, što praz tuju pryščepku ŭ mužykoŭ pienisy pačynajuć raści, dyk śviet prosta ašaleje. :)))
  • i pamianšajuć taksama
    05.01.2025
    vam by samomu takoje "ščaście" - 3,5 kh (sumarna masa vydalenaj tkanki). niezdarma ŭładalnicy vialikich cycak žalacca na boli ŭ śpinie
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Usie naviny →
Usie naviny

Biespracoŭnych užo vyklikajuć u milicyju pozvami — čamu heta niezakonna7

HUBAZiK sfatahrafavaŭ zatrymanych z padroblenymi pašpartami Novaj Biełarusi20

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

bolš čytanych navin
bolš łajkanych navin

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić