Znakamitaja biełaruskaja piśmieńnica raskazała, jak pierastała być fieministkaj
«Mnie vielmi škada mužčyn», — kaža Śviatłana Kurc. Jana raspaviała taksama, čamu joj ciapier niajomka sustrakacca z zachodnimi čytačami.
«Ja była strašennaja fieministka, kali była vielmi maładoj žančynaj, kali mnie było 20—30 hadoŭ. Ja pierastała być fieministkaj ab ovo (z łacinskaj — «ad jajka», što aznačaje «z samaha pačatku». — NN), kali pačuła kryk mužčyn, bitych na Akreścina», — zaŭvažyła piśmieńnica Śviatłana Kurs (jaje tvorčy psieŭdanim — Jeva Viežnaviec) u novym vypusku jutub-kanała «Pierietriom s Chalezinym».
«Tak, žančyny žyvuć daŭžej. Žančyny vytrymlivajuć bolej, lahčej pieranosiać bol, niasuć bolšuju nošu. Heta praŭda. I bolš vynoślivyja fizična. Ale mužčyny… Mnie ich vielmi škada. Ja ich vielmi palubiła. Biełaruskich mužčyn asabliva», — pryznałasia piśmieńnica.
U čas razmovy ŭ jaje spytali, što kaštoŭnaha moža dać biełaruskaja kultura śvietu. Na heta pytańnie piśmieńnica spačatku žartaŭliva adkazała: «Ničoha. Tamu što jana nie pavinna», — a paźniej mietafaryčna patłumačyła:
«Biełarusy — vielmi šlachietnyja ludzi. Jany nie ŭvachodziać u čužyja miežy i nie puskajuć nikoha ŭ svaje miežy. Jak skazaŭ niabožčyk Michał Aniempadystaŭ: «Ja, da žalu, nie pan». Heta absalutny manifiest. Dobra vychavany čałaviek ničoha nie budzie inšym pradjaŭlać. Jon dačakajecca, pakul jaho zaŭvažać, jon padziakuje za toje, što jaho zaŭvažyli. Ale adnačasova jon nie budzie zaležać ad čužoj dumki».
Što zachodni čytač moža znajści ŭ biełaruskaj litaratury takoha, čaho jamu nie chapaje?
«Ja nie ŭjaŭlaju sabie. Kali mianie voziać ciapier z majoj knižkaj, jak cyhany na torh, mnie vielmi niajomka. Tamu što ja ničoha nie mahu pradjavić. Ja ž nie dla Zachadu knižku pisała».
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
(U artykule i zahałoŭku tak, narezka).
niešta ŭzhadałasia bondarava i jejnaja baraćba z dyskryminacyjaj vielikoho mohučieho ŭ Biełarusi..
dzie vas dyskryminujuć, biednych? i što vaša dyskryminacyja ŭ paraŭnańni z dyskryminacyjaj žančyn?