Hramadzianie patelefanavali ŭ milicyju i paviedamili, što niedaloka ad lasnoha masivu ŭ Lachavickim rajonie znajšli miortvaha mužčynu. Na miescy zdareńnia znajšli cieła 59-hadovaha miascovaha žychara. Pry hetym jahonaje adzieńnie znachodziłasia pobač.
Śledčyja vyśvietliili, što napiaredadni mužčyna ŭžyvaŭ śpirtnyja napoi. Heta paćvierdziła i žonka pamierłaha, ź jakoj jon kantaktavaŭ u toj dzień.
Dla vyśviatleńnia dakładnaj pryčyny śmierci čałavieka była pryznačanaja sudova-miedycynskaja ekśpiertyza. Pavodle zaklučeńnia śpiecyjalistaŭ, śmierć mužčyny nie mieła hvałtoŭnaha charaktaru, jon pamior ad ahulnaha pieraachaładžeńnia arhanizma.
Pry praviadzieńni chimičnaj ekśpiertyzy ŭ kryvi zahinułaha kancentracyja ałkaholu składała 2,0 pramile, što adpaviadaje siaredniaj stupieni vostraj intaksikacyi. Što prymusiła mužčynu źniać ź siabie vopratku, krynica nie paviedamlaje.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary