Biełaruś zaniała 70-je miesca sa 145 krain śvietu ŭ abnoŭlenym rejtynhu vajskovaj mocy Military Strength Ranking na 2025 hod. U paraŭnańni z rejtynham za minuły hod Biełaruś apuściłasia na 6 pazicyj, piša «Radyjo Svaboda».
Biełaruś u rejtynhu raźmiaściłasia pamiž Šry-Łankaj (69-je miesca) i Słavakijaj (71-je miesca).
Na pieršym miescy ŭ abnoŭlenym rejtynhu, jak i ŭ minułyja hady, znachodziacca ZŠA, na druhim — Rasija, za joj — Kitaj (jon maje adnolkavy indeks vajskovaj mocy z Rasijaj).
Siarod inšych krain-susiedak Biełarusi Ukraina zajmaje ŭ abnoŭlenym rejtynhu 20-je miesca, Polšča — 21-je, Litva — 88-je, Łatvija — 99-je, Estonija — 107-je.
Tak nizka ŭ rejtynhu Biełaruś jašče nie apuskałasia. Jana źjaviłasia ŭ rejtynhu vajskovaj mocy Military Strength Ranking u 2014 hodzie na 51-m miescy, potym vyjšła na 45-je miesca, u 2019-m — na 39-je. U 2020 hodzie Biełaruś apuściłasia na 53-ci radok u rejtynhu, u 2021 hodzie była na 50-m miescy, u 2022 hodzie — na 52-m, u rejtynhu za 2023 hod zaniała 60-je miesca, a za 2024 hod — 64-je miesca.
Rejtynh Global Firepower Index sioleta vyznačali pavodle bolš čym 60 kryteryjaŭ.
Śpis najmacniejšych armij śvietu GFP składajecca štohod, pačynajučy z 2006 hoda. Pradstaŭlenyja ŭ im dziaržavy (u ciapierašniaj redakcyi rejtynhu ich 145) rasstaŭlajucca, zychodziačy z danych pra kolkaść uzbrojenych sił, ich asnaščeńnie i padrychtoŭku, patencyjał abaronnaj i inšaj pramysłovaści, a taksama finansavyja mahčymaści dziaržavy, zapasy karysnych vykapniaŭ, płošču krainy, praciahłaść jaje miežaŭ, kolkaść dziaržaŭ, ź jakimi jana miažuje, i šerah inšych faktaraŭ. Pry hetym u zalik iduć tolki kanviencyjnyja ŭzbrajeńni, biez uliku jadziernaj zbroi.
Va ŭsich VNU z vajskovymi fakultetami i kafiedrami buduć rychtavać apierataraŭ dronaŭ
«Prablema niedakamplektavanaści vyrašanaja». Hetaj vosieńniu ŭ vojska pryzvali 8000 biełarusaŭ
Hienierałaŭ Chrenina i Valfoviča adpravili na drovy
Ministr abarony Rasii zajaviŭ pra hatoŭnaść užyć jadziernuju zbroju ŭ vypadku pahrozy Biełarusi
U vieraśni 2025-ha ŭ Biełarusi projduć sumiesnyja vučeńni ADKB
Kamientary