Nazvanyja top-10 farmaceŭtyčnych kampanij pa abjomach prodažu ŭ Biełarusi
Try biełaruskija farmaceŭtyčnyja zavody lidzirujuć pa prodažach na roźničnym rynku Biełarusi. Pra heta padčas vebinaru pa farmaceŭtyčnaj halinie raspaviała biznes-analityk «Inteliks-M» Taćciana Vałyniec. Vebinar byŭ arhanizavany kampanijaj REVERA sumiesna z «Inteliks-M», PharmAssistance i 103.by.
Na pieršym miescy pa prodažach za 11 miesiacaŭ 2024 hoda akazaŭsia «Lekfarm» z prodažami ŭ roźnicy na 182,35 młn rubloŭ. Druhoje miesca zaniaŭ Barysaŭski zavod miedpreparataŭ z 157,28 młn rubloŭ. Treciaje — «Biełmiedpreparaty» z 137,33 młn rubloŭ.
Dalej u top-10 iduć:
- Słavienskaja KPKA (118,28 młn rubloŭ),
- Sandoz (106,71 młn rubloŭ),
- «Farmtechnałohija» (93,78 młn rubloŭ),
- «Farmłend» (81,51 młn rubloŭ),
- BERLIN-CHEMIE (72,05 młn rubloŭ),
- Gedeon Richter (71,82 młn rubloŭ),
- «Minskinterkaps» (71,79 młn rubloŭ).
Najbolšy rost u rublach za 11 miesiacaŭ minułaha hoda adnosna anałahičnaha pieryjadu 2023 hoda pakazali słavienskaja KPKA (na 27,63%) i vienhierskaja Gedeon Richter (na 27,57%). Mienšy rost siarod lidaraŭ adznačyli ŭ Barysaŭskaha zavoda miedpreparataŭ (na 8,66%) i «Lekfarma» (na 13,92%).
Hetyja dziesiać kampanij zajmajuć 38,26% doli rynku.
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki3
Kamientary