Karystalnik TikTok z Mahilova źniaŭ videa, jakoje nabrała amal 400 tysiač prahladaŭ.
U roliku jon pakazaŭ stełaž u adnoj z kramaŭ sietki «Jeŭraopt», dzie cukierki byli paznačanyja ceńnikam 0 rubloŭ 00 kapiejek. Pryčym taki košt byŭ ukazany na troch uzroŭniach stełaža, piša Onliner.by.
U kamientaryjach karystalniki padzialilisia na dva łahiery. Adny šukali adkaz, ci možna zabrać tavar biaspłatna, druhija zaklikali nie złoŭžyvać pamyłkaj, bo za taki niedahlad mohuć pakarać supracoŭnikaŭ kramy.
Heta nie pieršy vypadak padobnych ceńnikaŭ u sietcy «Jeŭraopt».
U 2022 hodzie adzin z pakupnikoŭ sprabavaŭ uziać 12 butelek ałkaholu z anałahičnym koštam, ale kasir admoviŭsia prabivać tavar. Pa zakonie kasiry abaviazany pradavać tavar pa canie, ukazanaj na ceńniku — hetaje patrabavańnie dziejničaje z 2019 hoda.
Adnak juryst Ivan Rajkievič patłumačyŭ, što sudy niaredka razhladajuć takija situacyi inakš. U takich vypadkach sudy niaredka admaŭlajuć u zadavalnieńni patrabavańniaŭ spažyŭca ab prymusie da zaklučeńnia damovy.
Ale ŭ dadzienym vypadku adsutničaje ekanamičnaja vyhada dla pradaŭca i majecca techničny zboj (pra što pradaviec abaviazkova skaža), infarmacyja ab niapravilna nazvanaj canie daviedziena da spažyŭca.
Jak pakazvaje praktyka, u takich vypadkach spažyŭcu, vierahodna, budzie admoŭlena ŭ zadavalnieńni jaho patrabavańniaŭ, — kaža juryst.
Kamientary