Usiaho patrochu

Rasijski nastaŭnik na praciahu dvuch hadoŭ tajemna źniaŭ dakumientalny film ab prapahandzie ŭ škole

Film ab paŭsiadzionnym žyćci ŭ škole ŭralskaha horada Karabaš atrymaŭ śpiecyjalny pryz na fiestyvali «Sandens» u ZŠA.

Pavieł Tałankin Pavieł Tałankin Pavel Talankin
Pavieł Tałankin. Skryn videa.

Były piedahoh-arhanizatar škoły №1 va ŭralskim horadzie Karabaš Pavieł Tałankin na kinafiestyvali niezaležnaha kino Sundance pradstaviŭ dakumientalny film «Spadar Nichto suprać Pucina». Tam film atrymaŭ śpiecyjalnuju premiju.

U filmie Tałankin pakazaŭ žyćcio svajoj škoły paśla pačatku poŭnamaštabnaj vajny Rasii va Ukrainie. 33-hadovy nastaŭnik zdymaŭ materyjał na praciahu dvuch hadoŭ. Pa jaho słovach, kala 90% źniataha — heta videa dla spravazdač pierad Ministerstvam adukacyi.

U svajoj škole Pavieł vioŭ hurtok apieratarskaj pracy i arhanizoŭvaŭ školnyja mierapryjemstvy. Paśla pačatku vajny jamu pryjšłosia zdymać nie tolki adkrytyja ŭroki, vypusknyja i konkursy, ale i «Razmovy pra važnaje», cyrymonii padniaćcia rasijskaha ściaha, sustrečy z udzielnikami vajny i inšyja «patryjatyčnyja» mierapryjemstvy.

Jak raskazvaje mužčyna, jon ubačyŭ u instahramie dopis pradziusaraŭ nienazvanaha rasijskaha šou. Jany šukali hierojaŭ, na čyju pracu tak ci inakš paŭpłyvała tak zvanaja «SVA». Pavieł pakinuŭ zajaŭku, paźniej ź im źviazaŭsia amierykanski režysior Devid Borajnštajn. U dalejšym jon davaŭ jamu padkazki adnosna zdymkaŭ, vybudoŭvaŭ ahulnuju siužetnuju liniju.

Sam ža Tałankin u intervju «Miedyjazonie» zaŭvažaje, što «kiravała našymi zdymkami Ministerstva aśviety Rasijskaj Fiederacyi. (…) Takomu scenarnamu płanu, jak adpraŭlali jany, možna tolki pazajzdrościć. Heta poŭnaściu raśpisany ŭrok, poŭnaściu raśpisanaja prezientacyja. Na jakoj chvilinie jaki nastaŭnik što musić skazać, jak dzieci pavinny pahladzieć, jak dzieci pavinny adreahavać. Tam całkam prosta mantažny płan u ciabie ŭvieś».

U červieni 2024 hoda Pavieł źjechaŭ z Rasii i zabraŭ z saboju siem žorstkich dyskaŭ z materyjałami. Razam z Borajnštajnam jany zmanciravali film, jaki i pradstavili na fiestyvali.

Były nastaŭnik śćviardžaje, što nichto jak ź jaho rodnych, tak i z pakazanych u filmie hierojaŭ nie padazravaŭ ab zdymkach dakumientalnaha filma.

Hospodin Nikto protiv Putina Mr. Nobody Against Putin "Spadar Nichto suprać Pucina".
Kadr filma

Jak raskazvaje Tałankin, infarmacyja ab premjery filma zrabiła ŭ Karabašy «efiekt razarvanaj bomby». Jamu zvanili i pytali, čamu biez dazvołu vykarystaŭ u kadry dziaciej. Na što były nastaŭnik adkazaŭ, što tyja ž kadry taksama biez dazvołu adsyłali ŭ ministerstva. Pa jaho słovach, pierad pačatkam navučalnaha hoda z baćkoŭ biaruć zhodu na apracoŭku piersanalnych danych ich dziaciej, što achoplivaje absalutna ŭsio — vystavy, fotazdymki, publikacyi.

Pa słovach Borajnštajna, film vypuščany ŭ adpaviednaści z praviłami centra dakumientalnych filmaŭ Bi-bi-si Storyville. Etyčnaść zdymak dziaciej vydańnie abhruntavała hramadskaj značnaściu źniataha filma. Taksama kamanda filma ličyć, što atrymańnie zhody na zdymki takoha kino stvarała b dla ŭdzielnikaŭ pahrozu pieraśledu z boku dziaržavy.

Napiaredadni premjery Paŭła Tałankina pačali hańbić u sacyjalnych sietkach, nazyvać «nastaŭnikam-zdradnikam, jaki zdradziŭ svaim vučniam». A siłaviki horada 24 studzienia praviali zakrytuju naradu, pryśviečanuju filmu.

Hospodin Nikto protiv Putina Mr. Nobody Against Putin "Spadar Nichto suprać Pucina"

«Dla siabie ja nie zdradnik Radzimy. Ja lublu svaju krainu, lublu ludziej, lublu svoj horad. Spadziajusia tudy viarnucca rana ci pozna. Film ža pra kachańnie, razumiejecie, pra kachańnie», — davodzić sam Tałankin.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Suhak, Mientusava, Danejka, Meryjem i inšyja paśpiachovyja biełaruski padzialilisia hałoŭnymi žyćciovymi abłomami3

Suhak, Mientusava, Danejka, Meryjem i inšyja paśpiachovyja biełaruski padzialilisia hałoŭnymi žyćciovymi abłomami

Usie naviny →
Usie naviny

Žančyna ŭ Dobrušy kidała z 7 paviercha słoiki i kastruli ź ježaj. A kali milicyja stała łamać dźviery, uklučyła haz2

Škoły, sadki i słupki damoŭ. Što novaha čakaje Kamiennuju Horku?

Alaksandr Pamidoraŭ patłumačyŭ, čamu nie pryjšoŭ na ŭłasny kancert u Poznani15

Paštovaja słužba Danii spyniaje dastaŭku listoŭ

Na što skardziacca biełarusy ŭ kramach?5

U Litvie zatrymali dvuch litoŭcaŭ, jakija pracavali na Biełaruś: adzin ź ich pranik u Sajuz strałkoŭ9

Parašenka: Maja kamanda «publična i prazrysta» pracuje z uładami ZŠA5

U Rumynii zatrymali šeść čałaviek pa padazreńni ŭ źviaržeńni kanstytucyjnaha ładu. Lidar — 101-hadovy adstaŭny hienierał4

Rasija prapanuje pabudavać u Biełarusi zavod pa vytvorčaści bieśpiłotnikaŭ7

bolš čytanych navin
bolš łajkanych navin

Suhak, Mientusava, Danejka, Meryjem i inšyja paśpiachovyja biełaruski padzialilisia hałoŭnymi žyćciovymi abłomami3

Suhak, Mientusava, Danejka, Meryjem i inšyja paśpiachovyja biełaruski padzialilisia hałoŭnymi žyćciovymi abłomami

Hałoŭnaje
Usie naviny →

Zaŭvaha:

 

 

 

 

Zakryć Paviedamić