U siecivie źjaviŭsia prajekt «Niepasłuchmianyja Dzieci Kastryčnika». U pieršym vypusku tvorcy prapanujuć pasłuchać knihu Michasia Zareckaha «Marja».
Prajekt «Niepasłuchmianyja Dzieci Kastryčnika» choča «paznajomić vas ź litaraturaj turbulentnych časoŭ». Aŭtary buduć ahučvać tvory represavanych i rasstralanych u 30-ja hady paetaŭ i piśmieńnikaŭ.
«Jak my ciapier usprymajem kachańnie, hora, radaść, naradžeńnie, śmierć? Dakładna nie tak, jak by my spakojna žyli. Nam ciapierašnim — rasčaravanym, zaciatym, upartym — jość pra što pahutaryć z tymi, chto žyŭ, jak my», — napisali aŭtary prajekta.
Pieršy vypusk tvorcy pryśviacili knizie Michasia Zareckaha «Marja». Jaje ŭžo možna pasłuchać na jutubie, Spotify i padkastavaj placoŭcy Mave.
.
Michaś Zarecki — biełaruski piśmieńnik, siabra litaraturnych abjadnańniaŭ «Maładniak» i «Połymia». U 1937 hodzie jaho rasstralali jak «aktyŭnaha člena nacyjanał-fašysckaj terarystyčnaj arhanizacyi».
«Marja» — kniha Zareckaha, pryśviečanaja historyi dziaŭčyny, jakuju hvałtoŭna vydali zamuž za niepryhožaha i ahidnaha źniešnie Jahora. Jon prymusiŭ maładuju žančynu zadušyć svajo dzicia, narodžanaje ad kachanaha chłopca Andreja.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ12
Kamientary