Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak
Tyja, chto pracuje aficyjna ŭ Polščy i Litvie, niezaležna ad taho, jakoje ŭ vas hramadzianstva, pry padačy padatkovaj dekłaracyi za minuły hod mohuć nakiravać 1,2—1,5% padachodnaha padatku na dziejnaść hramadskich arhanizacyj. Ničoha svajho vy nie patracicie — vy prosta majecie prava metava skiravać častku ŭžo spłačanaha vami padachodnaha na tyja ci inšyja hramadskija mety na vaš vybar. I robicca heta prosta, zojmie vam adnu chvilinu. Kali łaska, sioleta padtrymajcie padatkam mienavita biełaruskija inicyjatyvy. Voś jak heta robicca. Siońnia dajom instrukcyju dla Litvy. Kali vy pracujecie ŭ Polščy, to vam siudy.
Usie rezidenty Litvy — u tym liku i biełarusy ź lubym typam dazvołu na žycharstva — pavinny padavać štohadovuju padatkovuju dekłaracyju. Padčas padačy jany mohuć pieravieści 1,2% ad padachodnaha padatku lubym niekamiercyjnym arhanizacyjam na svoj vybar. Vy možacie abrać «Našu Nivu» ci inšuju biełaruskuju inicyjatyvu. Kali nie nazvać nijakaj arhanizacyi, hrošy śpišucca ŭsio adno, ale vyznačać, jak ich patracić, budzie litoŭskaja dziaržava. My raspracavali padrabiaznaje tłumačeńnie, jak vy možacie dapamahčy Redakcyi «Našaj Nivy», nie vytraciŭšy pry hetym lišniaha centa.
Dla padačy abaviazkovaj padatkovaj dekłaracyi ŭ Litvie treba zajści ŭ sistemu elektronnaha padatkovaha dekłaravańnia EDS, i tam nacisnuć na «Prisijungti prie EDS».
Dalej treba abrać sistemu, praź jakuju vy budziecie prachodzić aŭtaryzacyju ŭ sistemu EDS.
U našym prykładzie heta budzie zroblena praz Swedbank, dzie možna abrać ruskuju movu dla interfiejsu.
Paśla prachodžańnia aŭtaryzacyi ŭ E-pasłuhach treba vybrać raździeł VMI i nacisnuć «uvajści».
Paśla hetaha vy traplajecie ŭ partał EDS, dzie i budzie adbyvacca zapaŭnieńnie dekłaracyi.
Kab prystupić da jaje zapaŭnieńnia, nieabchodna nacisnuć na vyjavu hłobusa.
Hetaja staronka dastupnaja tolki na litoŭskaj, ale dalej movu interfiejsu možna źmianić na ruskuju.
Kali vy ŭžo majecie litoŭski DNŽ z 2024 hoda ci raniej i pry hetym pracujecie ŭ litoŭskaj kampanii, to dla padatkovaj vy ŭ lubym vypadku ličyciesia pastajannym žycharom.
Dalej vy pa tekście zapaŭniajecie dekłaracyju, adkazvajučy na pytańni.
Paśla taho, jak vy adkažacie na ŭsie pytańni, sistema prapanuje vam sfarmavać i padać dekłaracyju, paśla čaho vy ŭbačycie sumu, jakuju vam pavinna viarnuć dziaržava, abo sumu, jakuju vy musicie dapłacić.
Nižej budzie radok, dzie budzie napisana, što ŭ vas jość mahčymaść raźmierkavać častku padachodnaha padatku.
Tam treba nacisnuć na «Ja chaču padtrymać».
Dalej interfiejs budzie tolki na litoŭskaj, ale razabracca budzie nieskładana.
Kab pačać zapaŭniać formu, naciśnicie «Pradėti» (Pačać).
U radok pošuku treba ŭvieści kod arhanizacyi, jakuju vy chočacie padtrymać, pieraličyŭšy 1,2% ad sumy ŭžo spłačanaha padachodnaha padatku.
Numar «Našaj Nivy» — 305965367. Paśla ŭvodu koda našaj arhanizacyi ŭ vas źjavicca nazva našaj jurydyčnaj asoby ŭ Litvie — Viešoji įstaiga «Nasha Niva Fund».
Abraŭšy ŭ śpisie «Našu Nivu» (Viešoji įstaiga «Nasha Niva Fund»), naciskajem na «Testi» (Praciahnuć).
Na nastupnym kroku ŭ radku «Mokesčio dalies dydis (procentais)» (Pamier padatkovaj častki (u pracentach)) vy ŭvodzicie ličby 1,2.
I paśla naciskajecie na «lšsaugoti» (Zachavać).
Paśla treba jašče raz paćvierdzić vaš vybar i nacisnuć na «Taip, teisingi» (Tak, słušna).
Takim prostym i całkam biaspłatnym dla vas čynam vy možacie padtrymać «Našu Nivu» — bastyjon biełaruščyny i krynicu infarmacyi dla ŭsich našych, i tut, i tam.
Pa miery źjaŭleńnia infarmacyi my raskažam i pra toje, jakija inšyja biełaruskija inicyjatyvy vy možacie tak padtrymać. I padtrymajcie ž!
Bo my z vami i jość Biełaruśsiu.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary