«Ja tak i nie zrazumieŭ sutnaści pretenzij Sikorskaha da kanała», — havorycca ŭ hutarcy ź Iharam Kulejem i Siarhiejem Padsasonnym. Davajcie ja vam patłumaču, piša Mikoła Buhaj.
Biudžet «Biełsata» byŭ roŭny biudžetam usich inšych biełaruskich niezaležnych ŚMI razam uziatych. Pry hetym «Biełsat» nidzie nie byŭ u lidarach. Sajt «Biełsata», miarkujučy pa SimilarWeb, mała chto čytaje. Telehram-kanał «Biełsata» pa siarednim čytańni pasta nie ŭvachodziŭ i ŭ pieršuju dziasiatku biełaruskaha navinnaha Th, nie kažučy pra nienavinny. Tyktoki Biełsata nie ŭ topie. I navat u Jutubie, dzie, zdavałasia b, telebačańnie maje ŭsie kazyry na rukach, «Biełsat» daloka nie ŭ lidarach.
U razvažańniach Ihara Kuleja i Siarhieja Padsasonnaha mnoha pafasu i mnoha bolu. «Častka ździełki», «nieluboŭ da Ramašeŭskaj». Ale jany abychodziać samy prosty fakt: ułaśnik choča, kab «Biełsat» byŭ bolš efiektyŭny (i heta łahična, praŭda?).
Kali «Biełsat» mieŭ by inšyja pakazčyki, była b inšaja razmova, i ŭ vas byli b inšyja arhumienty.
Na «Biełsacie» śviet talenavitych kadraŭ, ale tak vyjšła, što mašyna jechała nie tak, jak jaje fundataram chaciełasia b. «Biełsat» u svoj čas zrabiŭ staŭku na kłasičnaje telebačańnie, kali zorny čas kłasičnaha telebačańnia byŭ užo ŭ minułym — moža być, usie astatnija prablemy prosta vyrastali z hetaj karennaj pamyłki. A moža być prablema i ŭ «zahannaj karparatyŭnaj kultury», jak havaryłasia, nakolki ja viedaju, u vynikach aŭdytu, praviedzienaha polskim MZS.
My čujem pra aŭdytoryju, jakaja hladzić «Biełsat» praz spadarožnik. Ale nichto nie moža pravieryć, kolki ludziej hladzić «Biełsat» praz spadarožnik. Napeŭna ž, niechta hladzić. Ale heta nie samy papularny sposab atrymańnia infarmacyi ŭ Biełarusi ciapier. Majem dakładnuju infarmacyju, što novyja anteny ŭ Biełarusi ludzi amal nie staviać.
U kožnym razie, apieravać ličbami, jakija dajuć sacyjołahi, jakim ty płaciš — tak sabie arhumient.
Alaksiej Dzikavicki pierajšoŭ pracavać na Belarus Tomorrow, jakoje taksama robić staŭku na spadarožnikavaje viaščańnie.
Viadoma, kali situacyja dojdzie da krajnaści: zabłakavany Jutub, kitajskaha typu fajervoł, kryminalizavanaje karystańnie VPNami — to i spadarožnik nie budzie lišnim. Ale heta ŭsio prajekty z razradu «na vypadak kali b». I stop. A chto zabaronić uładam tady i spadarožnikavyja talerki zabaranić na padstavie dbańnia pra estetyčnuju celnaść architekturnych kompleksaŭ?
Miž tym, srodki, jakija traciacca ŭ kosmas — heta značyć, na spadarožniki, mahli b iści na vyrab kantentu. Pytańnie ž nie ŭ płatformach, pytańnie ŭ kantencie. Kali jon jość, jon sam prabivaje sabie darohu.
Alinie Koŭšyk nie pazajzdrościš. Jak znajści novyja nišy? Jak rabić bolš, kali maješ resursaŭ mienš? Tut pravilna było b kaleham zhurtavacca, maksimalna napružycca, adkinuć usie asabistyja ambicyi i na hodzikaŭ piać adkłaści ŭsie zapłanavanyja adpačynki ŭ Ńju-Jorku, a nie zmahacca za toje, čyja racyja.
Heta nie tolki «Biełsata» prablema. Kab byli vyniki — treba, kab byli vyniki. Kali vynikaŭ niama — prajhrajuć usie. I nie treba ličyć polskich ministraŭ idyjotami. Bo idyjotami tady vyhladajuć biełarusy.
Kamientary
Strannaja ekstrapolacija s BiełSata na biełarusov. Projekt iznačalno był nieeffiektivnym i vsie eto vidieli. Rulili kanałom polaki. Kakije prietienzii k biełarusam?
chorošij otviet
apłodiruju