U Biełaruś prylacieŭ hałoŭnakamandujučy Livijskaj nacyjanalnaj armii z synam i hienierałami
Ź vizitam u Minsk 17 lutaha prybyŭ Viarchoŭny hałoŭnakamandujučy Livijskaj nacyjanalnaj armii Chalifa Biełkasim Chaftar, paviedamiła BiełTA. Jaho ŭ aeraporcie sustreŭ staršynia KDB Ivan Cierciel.
Z paviedamleńnia pres-słužby Livijskaj nacyjanalnaj armii stała viadoma taksama, što Chalifu Chaftara supravadžajuć jahony syn hienierał-lejtenant Sadam Chaftar, načalnik štaba suchaputnych vojskaŭ, kiraŭnik kancylaryi Chalify Chaftara hienierał-lejtenant Ajub Busiejf i hienierał-major Basim al-Buajšy.
Aficyjnaj metaj vizitu ŭsich hetych hienierałaŭ zajaŭlena ŭzajemadziejańnie Livii i Biełarusi ŭ humanitarnaj i sacyjalnaj śfierach, a taksama ekanamičnaje supracoŭnictva.
Adnak ža, miarkujučy pa čysta vajskovym składzie delehacyi, možna mierkavać, što najchutčej havorka pojdzie pra pastaŭki ŭ Liviju zbroi i supracoŭnictva ŭ inšych padobnych śfierach, što Biełaruś praktykuje daŭno. U kastryčniku minułaha hoda, darečy, u Minsk užo pryjazdžaŭ Sadam Chaftar, jaki ŭvachodzić u skład livijskaj delehacyi i ciapier.
U Livii ciapier idzie hramadzianskaja vajna i centralny ŭrad u Trypali nie kantraluje bolšuju častku terytoryi krainy. Na niepadkantrolnaj terytoryi akurat vaładaryć Livijskaja nacyjanalnaja armija na čale z Chalifoj Chaftaram, tamu jon źjaŭlajecca nie prosta vojenačalnikam, a faktyčna pravicielem hetaj terytoryi.
Chaftar maje ciesnyja suviazi z prezidentam Rasii Uładzimiram Pucinym, i mienavita ŭ Liviju, na kantralavanuju im terytoryju ciapier pieravodziacca vojski z vajskovych baz u Siryi, jakim stała tam nie vielmi ŭtulna paśla zrynańnia režymu Bašara Asada ŭ kancy minułaha hoda.
U port Tartusa pryjšli rasijskija karabli. Rasija vyvodzić vojski ź Siryi?
Biełaruś praciahvaje pastaŭki zbroi ŭ Liviju
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
Usie kiraŭniki, suprać jakich vystupali pratestoŭcy padčas Arabskaj viasny 2011 hoda, syšli ŭ minułaje. Asad staŭ apošnim
Kamientary