Byłoha sienatara i dyrektara najbujniejšaha ŭ Biełarusi vytvorcy budmateryjałaŭ sudziać za razhałošvańnie słužbovaj tajny
Apošnija hady Uładzimir Kisialoŭ uznačalvaŭ «Krasnasielskbudmateryjały». Pra jaho adstaŭku dziaržaŭnyja ŚMI nie paviedamlali. Kisialovu pahražaje da troch hadoŭ kałonii.
Uładzimiru Kisialovu 66 hadoŭ. Jon rodam ź vioski Charkaŭka Čavuskaha rajona Mahiloŭskaj vobłaści. Pa adukacyi jon inžynier-miechanik.
Zorka Kisialova ŭzyšła ŭ 1999 hodzie. Tady jaho pastavili dyrektaram Biełaruskaha cemientnaha zavodu ŭ Kaściukovičach. Heta bujnoje pradpryjemstva, jakoje pačali budavać jašče za savieckimi časami, a ŭviali ŭ stroj užo pry Łukašenku.
U 2008-2012 Kisialoŭ byŭ paralelna sienataram u Saviecie Respubliki.
U 2012 jaho pryznačyli staršyniom Kaściukovickaha rajvykankama, u 2014 — pieršym namieśnikam staršyni Mahiloŭskaha abłvykankama.
Paśla Kisialova viarnuli ŭ budaŭničuju śfieru. Łukašenka abjadnaŭ usie try cemientnyja zavody — Kaściukovicki, Kryčaŭski i Krasnasielski (pad Vaŭkavyskam) — i pastaviŭ jaho kiravać chołdynham. Kisialoŭ zajmaŭ pasadu ŭ 2014-2019.
Cemientnaja halina pieražyvała roznyja časy — byli i karupcyjnyja kryminalnyja spravy, i finansavyja straty, i časovyja pośpiechi. Ahułam ža možna kanstatavać, što bujny prajekt tak i nie staŭ łakamatyvam ekanomiki.
U červieni 2022 hoda adbyŭsia treci ŭvachod Kisialova ŭ cemientny biznes. Jaho pryznačyli na pasadu dyrektara «Krasnasielskbudmateryjałaŭ», najbujniejšaha vytvorcy budaŭničych materyjałaŭ u Biełarusi.
Jašče letam 2024 jon byŭ paznačany na sajcie pradpryjemstva jak hienieralny dyrektar i razdavaŭ kamientary. Nieŭzabavie jon źnik. Pa zvykłaj praktycy dziaržaŭnyja ŚMI ničoha nie paviedamlali pra zatrymańnie Kisialova, jaho imia prosta ciškom ściorli z sajta «Krasnasielskbudmateryjałaŭ».
Jak vyśvietliłasia, na dyrektara zaviali kryminalnuju spravu. Zakryty sud nad Uładzimiram Kisialovym pačniecca 24 lutaha 2025 hoda ŭ Hrodzienskim abłasnym sudzie. Jaho abvinavačvajuć pa adnosna lohkim artykule — «naŭmysnaje razhałošvańnie słužbovaj tajny» (č. 1 art. 375 KK). Što za tajna i kamu jaje raskryŭ Kisialoŭ — nieviadoma. Jamu moža pahražać ad štrafa da troch hadoŭ pazbaŭleńnia voli.
Admietna, što paŭhoda nazad u Minsku źbiralisia sudzić dyrektara filijała adnaho ź inšych cemientnych zavodaŭ. Pa mierkavańni siłavikoŭ, u 2021-2023 jon nabraŭ chabaraŭ i nanios pradpryjemstvu škody bolš čym na 200 tysiač rubloŭ. Tamu dyrektaru pahražała ad 5 da 20 hadoŭ źniavoleńnia.
«Naša Niva» — bastyjon biełaruščyny
PADTRYMAĆ«Ciapier biehać za im prapanoŭvać na padnosiku?» Rajvykankam aburyŭsia skarhami eks-sienatara, jaki nie moža znajści pracu
Stała viadoma, dzie ciapier pracuje były vysokapastaŭleny hubazikaviec Cichinia, jakoha abvinavačvali ŭ karupcyi
Kiraŭnik «Biełmiedtechniki», u haražy jakoha KDB znajšoŭ $620 tysiač chabaru, vyzvaliŭsia z kałonii i ŭładkavaŭsia na novuju pracu
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść3
Kamientary