Paźniak: «Ja časta pamylaŭsia ŭ ludziach. Samy prosty prykład — Palina Šarenda-Panasiuk»
Lidar ruchu «Volnaja Biełaruś» źviarnuŭsia da palitviaźniaŭ i zaklikaŭ ich nie padpisvać papiery ab supracoŭnictvie z KDB.
Padčas intervju Radyjo Svaboda lidar ruchu «Volnaja Biełaruś» Zianon Paźniak zaŭvažyŭ, što vielmi časta pamylaŭsia ŭ ludziach. I pryvioŭ u jakaści prykładu Palinu Šarendu-Paniasiuk.
«Ja časta pamylaŭsia ŭ ludziach. Ja im daviaraŭ. (…) Ludzi hetyja potym akazvalisia škodnymi. Samy prosty prykład. Ja chacieŭ vyratavać hetuju žančynu, bo ja viedaŭ, što Palinu Šarendu-Panasiuk daviaduć da mahiły. Jaje davodzili da hetaha. I ja faktyčna dvojčy źviartaŭsia da Łukašenki vyzvalić hetuju žančynu. My apanienty. Ja — hałoŭny jaho palityčny apanient. I ja pierastupaju praź siabie i prašu jaho: «Vypuści hetuju žančynu».
Nu, vypuściŭ. Heta žančyna pachichikała ź mianie, skazała: «Heta ŭsio čepucha, chto tam Paźniaka słuchaje» i hetak dalej.
U dalejšaj razmovie palityk prakamientavaŭ padpisańnie palitźniavolenymi papier ab supracoŭnictvie z KDB. Takija dziejańni jon nazvaŭ «samavyznačeńniem» i znoŭ zhadaŭ Palinu Šarendu-Panasiuk:
«Voś Šarenda-Panasiuk vyznačyłasia. Jaki vaš pasylny — Edelviejs. Voś pryjšła dezavuiravałasia».
«Jany nie razumiejuć, što hetaha nie možna rabić. U turmie možna padpisać pamiłoŭku. [Ale] nikoli nie padpisvajcie supracoŭnictva z KDB! Vy nikoli ad ich nie adkaraskajeciesia. Nie razumiejuć hetaha ludzi. Heta taktyka hebe (dziaržbiaśpieki — NN). Durni paŭtarajuć adzin adnaho ŭvieś čas», — davodzić Paźniak i źviartajecca da palitźniavolenych:
«Ja chaču skazać tym, jakija siadziać u turmie. Kali b tolki jany mianie pačuli. Padpisvać možna lubyja pamiłoŭki, usio, što jany tam prosiać. Tamu što vas kinuli jak zakładnikaŭ, vas niezakonna padstavili. I tamu na heta surjozna nie treba źviartać uvahi, kali jany prosiać tam im pamiłoŭku napisać. Hroš cana hetaj pamiłoŭcy. Hałoŭnaje vyjści. Ale jany vas nie vypuściać. Jany chočuć, kab vy padpisali supracoŭnictva z KDB. Nikoli heta nie rabicie. Heta tabu. Heta zakon. Hetaha rabić nielha».
Šarenda-Panasiuk adkazała Paźniaku pra jaho ŭdzieł u jaje vyzvaleńni i Harbunovaj pra «biessensoŭnaść baraćby»
Šarenda-Panasiuk pryznałasia, što padpisała papiery ab supracoŭnictvie ź siłavikami i atrymała imia Edelviejs
Paźniak: Vyzvaleńnie Paliny Šarendy-Panasiuk — heta hučnaje śviedčańnie ab hatoŭnaści da pieramovaŭ ź Jeŭrasajuzam
Kamientary