Mask zahadaŭ usim fiederalnym čynoŭnikam ZŠA spravazdačycca, što jany robiać, abo zvolnicca
U subotu ŭviečary administracyja Trampa razasłała elektronnyja listy fiederalnym čynoŭnikam z patrabavańniem da viečara paniadziełka raskazać padrabiaznaści ab svaich pracoŭnych dasiahnieńniach za papiaredni tydzień, inakš jany zhubiać pracu, piša Reuters.
Elektronnyja listy pryjšli nieŭzabavie paśla taho, jak Iłan Mask, miljarder i kiraŭnik Departamienta efiektyŭnaści ŭrada (DOGE), napisaŭ pra ich u X. Jon dadaŭ, što admova ad adkazu na zapyt pa elektronnaj pošcie budzie razhladacca jak adstaŭka.
Mask apublikavaŭ svoj post praź niekalki hadzin paśla taho, jak prezident ZŠA Donald Tramp napisaŭ u svajoj sacyjalnaj sietcy Truth Social, što DOGE pavinna stać bolš ahresiŭnaj u svaich sprobach «skaracić i źmianić 2,3-miljonnuju fiederalnuju pracoŭnuju siłu».
U elektronnym liście, prahledžanym Reuters, supracoŭnikam prapanujecca ŭ piaci punktaŭ padsumavajuć, «čaho vy dasiahnuli na pracy na minułym tydni».
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Padsumoŭvaju, na minułym tydni ja pierajmienavaŭ fiederalnuju chviermu ŭ honar Maha-Dohie, uvioŭ 24.99% taryfy na babroŭ i burytas, pisaŭ pasty ŭ Ch z padtrymkaj pravadyra Trampa, repościŭ jaho i Maska tvity, navat kali jany ŭtrymlivali jaŭnuju chłuśniu, dvie hadziny zapar kivaŭ hałavoj dy pa-sievierakarejsku apładziravaŭ Trampu padčas jaho pramovy na źjeździe CK-CPAC, viarnuŭ płastkavyja trubački ŭ miascovy Mak. Voś maja spravazdača dla palitbiuro.
Ale ci jość u jaho niejkaja pasada?