Маск загадаў усім федэральным чыноўнікам ЗША справаздачыцца, што яны робяць, або звольніцца
У суботу ўвечары адміністрацыя Трампа разаслала электронныя лісты федэральным чыноўнікам з патрабаваннем да вечара панядзелка расказаць падрабязнасці аб сваіх працоўных дасягненнях за папярэдні тыдзень, інакш яны згубяць працу, піша Reuters.
Электронныя лісты прыйшлі неўзабаве пасля таго, як Ілан Маск, мільярдэр і кіраўнік Дэпартамента эфектыўнасці ўрада (DOGE), напісаў пра іх у X. Ён дадаў, што адмова ад адказу на запыт па электроннай пошце будзе разглядацца як адстаўка.
Маск апублікаваў свой пост праз некалькі гадзін пасля таго, як прэзідэнт ЗША Дональд Трамп напісаў у сваёй сацыяльнай сетцы Truth Social, што DOGE павінна стаць больш агрэсіўнай у сваіх спробах «скараціць і змяніць 2,3-мільённую федэральную працоўную сілу».
У электронным лісце, прагледжаным Reuters, супрацоўнікам прапануецца ў пяці пунктаў падсумаваюць, «чаго вы дасягнулі на працы на мінулым тыдні».
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары
Падсумоўваю, на мінулым тыдні я перайменаваў федэральную хверму ў гонар Мага-Доге, увёў 24.99% тарыфы на баброў і бурытас, пісаў пасты ў Х з падтрымкай правадыра Трампа, рэпосціў яго і Маска твіты, нават калі яны ўтрымлівалі яўную хлусню, две гадзіны запар ківаў галавой ды па-северакарэйску апладзіраваў Трампу падчас яго прамовы на з’ездзе ЦК-CPAC, вярнуў пласткавыя трубачкі ў мясцовы Мак. Вось мая справаздача для палітбюро.
Але ці ёсць у яго нейкая пасада?