U kancy 2021 hoda ŭ Vilni na praśpiekcie Hiedymina adkryŭsia bar «Pahonia» z hierbam na ŭvachodzie. Ale ŭ pačatku hetaha hoda ŭstanova źmianiła nazvu na Poliklinika. «Naša Niva» daviedałasia va ŭładalnika, što stała pryčynaj.
Uładalnik ustanovy, litoviec Rycis Krycenas, kaža, što adkryć bar jaho natchnili padziei 2020—2021 hadoŭ u našaj krainie, paśla jakich u Vilniu pryjechała šmat biełarusaŭ.
«Kali biełarusy pačali ŭciakać z krainy, ja paznajomiŭsia z mnohimi ź ich i padumaŭ, što treba adkryć bar dla biełarusaŭ», — kaža Rycis.
Pryčynaj źmieny nazvy ŭładalnik nazyvaje vialikuju kolkaść niehatyvu z boku litoŭskich nacyjanalistaŭ, a taksama skaračeńnie kolkaści biełarusaŭ u Litvie.
«Nacyjanalisty zapuścili chvalu niehatyvu, źviazanaha z «lićvinizmam» i pašpartam Novaj Biełarusi. Niehatyvu było vielmi šmat. Nie było sensu pakidać nazvu. Zapościš što-niebudź u sacsietkach — i nacyjanalisty adrazu napadajuć», — pryznajecca Rycis.
Uładalnik adznačaje, što biełarusy praciahvajuć prychodzić u bar i paśla pierajmienavańnia. A voś častku litoŭcaŭ, na jaho dumku, nazva adšturchoŭvała z-za niehatyŭnaha fonu vakoł lićvinizmu, pra jaki stali bolš kazać u litoŭskich ŚMI.
Taksama Rycis adznačyŭ, što z-za mihracyjnaj palityki Litvy kolkaść biełarusaŭ u Vilni skaračajecca.
«Mihracyjnaja palityka składanaja, mnohija źjazdžajuć u Polšču, tamu bar nie zmoh by vyžyć, kali b praciahvaŭ kancentravacca tolki na biełarusach. Treba było mianiać kancepcyju».
Rycis adznačaje, što asabliva šmat chiejtu źjaviłasia pryblizna za paŭhoda da rašeńnia pra pierajmienavańnie bara.
Vinavatymi ŭ takim raźvićci situacyi jon ličyć jak litoŭcaŭ, tak i biełarusaŭ u Litvie.
«Biełarusy ŭ Litvie i toj ža štab Śviatłany Cichanoŭskaj mahli b niejak reahavać [pa temie lićvinizmu]. Ale ŭ vyniku ni ź litoŭskoha, ni ź biełaruskaha boku niama narmalnaj infarmacyi. Niasuć niejkuju łuchtu, i nichto nie moža za siabie pastajać. A ja ŭžo stamiŭsia ŭsim niešta dakazvać, tamu i pierajmienavaŭ ustanovu», — skazaŭ uładalnik bara ŭ kamientary «Našaj Nivie».
Treba adznačyć, što pa temie lićvinizmu ładzilisia kruhłyja stały z udziełam biełaruskich i litoŭskich historykaŭ. A Śviatłana Cichanoŭskaja nazyvała heta štučna stvoranaj prablemaj, jakuju razdźmuchvajuć, kab pasvaryć litoŭcaŭ i biełarusaŭ.
-
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj
-
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła
-
Słova «Unavatuna» značyć «raj». Dzie na Šry-Łancy adpačyvała Mielnikava
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary
aču, stanisłavavičus!