Prezident ZŠA padkreśliŭ, što nie chacieŭ by zaachvočvać imknieńnie Kijeva da praciahvańnia vajennych dziejańniaŭ.
Pierad adlotam z Vašynhtona ŭ svaju rezidencyju ŭ Mar-a-Łaha ŭviečary ŭ piatnicu Donald Tramp prakamientavaŭ žurnalistam svaju sustreču z ukrainskim lidaram Uładzimiram Zialenskim u Biełym domie, piša «Hołas Amieryki».
«U piatnicu, jak vy viedajecie, u nas była sustreča z prezidentam Zialenskim, i ja by skazaŭ, što jana prajšła nie zusim udała, — zajaviŭ Tramp. — Ja dumaju, jon vielmi mocna pieraacaniŭ svaje mahčymaści».
Prezident ZŠA padkreśliŭ, što nie choča zaachvočvać Ukrainu da praciahvańnia vajny, a zamiest hetaha imkniecca da «tryvałaha miru».
«My chočam miru, nam nie treba, kab niechta staŭ mahutnaj dziaržavaj, a potym admoviŭsia zaklučać mir, adčuvajučy svaju siłu, — skazaŭ Tramp. — I mienavita heta ja zaraz naziraju. Ja imknusia da miru. My nie chočam uviazacca ŭ dziesiacihadovuju vajnu i hulać u hulni. I mnie padałosia, što kali my heta zrobim, kali my padpišam (pahadnieńnie), jon budzie imknucca da taho, da čaho ja nie imknusia. Jon choča praciahvać zmahacca, zmahacca, zmahacca. A my chočam pakončyć sa śmierciu».
Padkreślivajučy, što ŭ Zialenskaha «vielmi słaby nabor kart», Tramp zajaviŭ: «Kali my padpišam pahadnieńnie, u jaho budzie vielmi mocny nabor kart, i tady jon nie zachoča zaklučać mir. Ja nie chaču zaciahvać heta ŭsio. Ja chaču nieadkładnaha miru. Prezident Pucin choča pakončyć z hetym. I vy bačyli toje, što bačyŭ ja siońnia. Hety čałaviek choča, kab my padpisali i praciahvali vajavać. A my hetaha nie robim…»
Tramp taksama zajaviŭ, što Zialenski — «nie toj čałaviek, jaki choča zaklučyć mir», u toj čas jak ZŠA zacikaŭlenyja «ŭ spynieńni krovapralićcia».
«Zaraz u jaho niama kart, — skazaŭ Tramp. — Paśla ździełki ŭ jaho buduć usie karty, ale heta nie značyć, što jon moža i dalej vajavać. Jon pavinien spynić vajnu, spynić śmierć».
Tym časam, pavodle infarmacyi ahienctva Reuters, sa spasyłkaj na vysokapastaŭlenaha amierykanskaha čynoŭnika, prezident Donald Tramp nie zacikaŭleny ŭ pierahladzie abo adnaŭleńni ździełki pa Ukrainie.
Dziaržsakratar ZŠA Marka Rubia, jak paviedamlaje Agence France-Presse, u piatnicu zaklikaŭ ukrainskaha lidara Uładzimira Zialenskaha vybačycca za papiaredniuju styčku z Trampam.
Zialenski pavinien «vybačycca za toje, što zmarnavaŭ naš čas na sustreču, jakaja pavinna była zaviaršycca nie tak, jak jana zaviaršyłasia», — zajaviŭ Rubia ŭ efiry CNN.
Tym časam dyrektar Nacyjanalnaj raźviedki ZŠA abvinavaciła Ukrainu i Zialenskaha ŭ «sprobie ŭciahnuć Złučanyja Štaty ŭ jadziernuju vajnu z Rasijaj».
Tułsi Habard u svaim asabistym akaŭncie ŭ sacyjalnych sietkach padziakavała prezidentu Trampu za toje, što jon «staić na varcie intaresaŭ amierykanskaha naroda i miru».
Zialenski nie staŭ vybačacca za publičnuju pierapałku z Trampam i Vensam
Kiraŭnik Dziarždepa: Zialenski pavinien vybačycca za toje, što pieratvaryŭ pieramovy ŭ fijaska
Stenahrama rezkaj razmovy Trampa, Vensa i Zialenskaha
Zialenski paśla zvadki z Trampam stelefanavaŭsia z prezidentam Francyi i hiensakam NATA
Tramp i Zialenski pasvarylisia ŭ žyvym efiry
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś22
Kamientary
Vašinhton poddierživajet Ukrainu liš v toj mierie, v kakoj eto vyhodno SŠA, a nie ischodia iz moralnych ili juridičieskich obiazatielstv. V to vriemia kak Ukraina tieriajet tierritorii i ludiej, SŠA vydvihajut žiestkije usłovija, a nie okazyvajut biezohovoročnuju pomoŝ.