Zialenski: Da zakančeńnia vajny jašče doŭhi šlach, terytaryjalnych sastupak nie budzie
Prezident Ukrainy zajaviŭ, što vajna z Rasijaj dalokaja ad zaviaršeńnia, a lubaja mirnaja damova pavinna być spraviadlivaj i ŭtrymlivać vyraznyja harantyi biaśpieki.
Padčas razmovy z brytanskimi žurnalistami ŭ aeraporcie Stansted prezident Ukrainy padkreśliŭ, što damova ab spynieńni vajny pavinna być «sumlennaj», «spraviadlivaj» i «stabilnaj». Jana musić praduhledžvać kankretnyja harantyi biaśpieki, jakija zrobiać niemahčymaj dalejšuju ahresiju z boku Rasii, paviedamlaje «Ukrainskaja praŭda».
Zialenski kateharyčna adchiliŭ mahčymaść lubych terytaryjalnych sastupak i padkreśliŭ, što Ukraina nikoli nie pryznaje akupavanyja terytoryi častkaj Rasii.
«Ukraina nikoli nie pryznaje akupavanyja Rasijaj terytoryi. Dla nas heta budzie časovaja akupacyja. Našy terytoryi i našy kaštoŭnaści nie pradajucca. Našy svabody nie pradajucca», — skazaŭ jon.
Prezident Ukrainy dadaŭ, što harantyi biaśpieki pavinny praduhledžvać mahutny adkaz Ukrainy i jaje partnioraŭ u vypadku novaj ahresii z boku Rasii.
«Ja nie chaču kazać pra detali, pakul niama podpisaŭ… zanadta šmat rečaŭ, pra jakija treba dumać», — skazaŭ jon.
Kiraŭnik dziaržavy paviedamiŭ, što mižnarodnyja partniory Ukrainy pahadzilisia praciahvać cisk na Rasiju.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary