Łukašenka prapanavaŭ pieradać častku prezidenckich paŭnamoctvaŭ inšym orhanam ułady
4 sakavika, prymajučy kadravyja rašeńni, Alaksandr Łukašenka daručyŭ raspracavać prajekt ukaza, jaki praduhledžvaje pieradaču častki jaho paŭnamoctvaŭ inšym orhanam ułady, paviedamlaje «Minskaja praŭda».
«Treba padrychtavać prajekt ukaza, kab da mianie hubiernatary nie źviartalisia: z adnoj krynicy tam, bo paralelnaje prajektavańnie, budaŭnictva i inšaje. Chaj jany sami prymajuć rašeńni na miescach. U krajnim vypadku niachaj uzhadniajuć z profilnymi vice-premjerami, raz my pavysili ich uzrovień. Uzhadnili ź imi, a my budziem kantralavać. Akramia advodaŭ ziamiel, bo ziamielnyja pytańni — heta śviatoje i pakul zastajucca za prezidentam. A ŭsio astatniaje chaj vyrašajuć», — adznačyŭ siońnia Alaksandr Łukašenka.
Jon źviarnuŭ uvahu na praźmiernuju farmalnaść u pracoŭnych pracesach.
— U asnoŭnym padpisvaju i padtrymlivaju prośby miascovych orhanaŭ ułady. Chaj jany sami i prymajuć rašeńni. Z punktu hledžańnia pieradačy paŭnamoctvaŭ na nižejšy ŭzrovień nam treba razhledzieć mahčymaści i vyzvalić ad hetych niepatrebnych funkcyj. U krajnim vypadku — ministr, vice-premjer pa niejkich pytańniach. I toje — na praciahu sutak uzhadnili, i chaj hubiernatary i miascovyja orhany ŭłady sami raźbirajucca i budujuć, — padkreśliŭ Łukašenka.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia8
Kamientary