«Adkryty čempijanat Bieraściejščyny pa ruskich šaškach» – hučyć dobra, «Šašačny festyval «Jetvyź-2006» – hučyć jašče lepš. Ad pačatku 1990-ch u haradku na paŭdarozie miž Kobrynam i Pinskam štohod ładziacca festy pa klasyčnych šaškach-64 dy blicy.
«Adkryty čempijanat Bieraściejščyny pa ruskich šaškach» – hučyć dobra, «Šašačny festyval «Jetvyź-2006» – hučyć jašče lepš. Ad pačatku 1990-ch u haradku na paŭdarozie miž Kobrynam i Pinskam štohod ładziacca festy pa klasyčnych šaškach-64 dy blicy. Na ich zavitvajuć nie adno ziemlaki-palešuki, a i hulcy z Maskvy dy Sibiry. Dziakujučy mižnarodnamu majstru Vasilu Nahurnamu, namieśniku dyrektara adnoj z drahičynskich praftechvučelniaŭ, pry rańnim Łukašenku hulni nabyli aficyjny status. Adnak zachavaŭsia i ramantyčny nazoŭ epochi «adradženca jaćviahaŭ» Mikoły Šalahoviča.
Sioleta ŭ hałoŭnym turniry rej viali varahi, mienskija majstry Viačasłaŭ Palanski i Jury Fajnbierh. Treciaje miesca ŭziaŭ drahičyniec Źmicier Harmatny. Dla jaho «bronza» – niemały pośpiech: kandydat u majstry abyšoŭ šerah majstroŭ, u tym liku čempijona Biełarusi. Apošni vystupiŭ słabavata (50%): jak pryznajecca sam Jaŭhien Kandračenka, hałava jaho zaniata vydavieckimi prajektami. Darečy, sp.Nahurny, eks-čempijon krainy ŭ hulni praź listavańnie, jaki vychavaŭ plejadu paleskich razradnikaŭ, viadomy tym, što vydaje adziny ŭ Biełarusi šašačny časopis. Choć i nia duža rehularna: apošni, 4-ty, numar źjaviŭsia dva hady tamu.
❏
Vaš chod
V.Palanski–Ju.Fajnbierh, 55-ty čempijanat Biełarusi. Čornyja pačynajuć i vyjhrajuć.
Adkaz: 1…hg3! 2. fg5 hf4 3. eg5 ce3 4. hf4 ef6 5. ge7 eg5X. Na 2. fe5 Fajnbierh zhulaŭ by 2…ef6! 3. hf4 ba5 4. db6 fb2 5. ab4 ac3 6. ca3 bc7 7. db4 cc3X.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča2
Kamientary