Kala siami mižnarodnych avijakampanij hatovyja adnavić paloty va Ukrainu na praciahu miesiaca paśla adkryćcia terminałaŭ.
Lvoŭski mižnarodny aeraport imia Daniiła Halickaha mohuć adkryć dla palotaŭ užo ŭ kancy viasny. Pra heta paviedamiła hiendyrektar aeraporta Taćciana Ramanoŭskaja, paviedamlaje vydańnie «Vysoki zamak».
Pavodle aptymistyčnaha scenaru aeraport moža adnavić svaju pracu ŭ krasaviku-mai 2025 hoda, pavodle inšaha scenaru — letam.
Kala siami mižnarodnych avijakampanij hatovyja adnavić paloty va Ukrainu na praciahu miesiaca paśla adkryćcia terminałaŭ. Heta Wizzair, Air Baltic, «Tureckija avijalinii», Sky Up, «Aŭstryjskija avijalinii», Lufthansa, LOT, paviedamiła hiendyrektarka aeraporta.
«Čartarnyja rejsy, chutčej za ŭsio, budzie sprabavać viarnuć avijakampanija Sky Up. U ich dobraja sietka maršrutaŭ u Jeŭropie. Tyja ž maršruty hatovyja vykonvać i ź Lvova. Abo ź inšaha ŭkrainskaha horada. Sioleta pradstaŭniki avijakampanii vyjšli da nas z kamunikacyjaj, praviali svaje aŭdyty. Pradstaŭniki Wizzair jašče letaś praviali svoj aŭdyt. Pravodziać papiaredni analiz i kali budzie rašeńnie ab adkryćci nieba, na praciahu troch-čatyroch dzion pryjazdžajuć da nas pracavać», — skazała Ramanoŭskaja.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary