Эканамічны суд Мінска распачаў справу аб банкруцтве кампаніі «ФіксМаркет», якая некалькі гадоў таму запусціла ў Беларусі сетку крам фіксаваных цэнаў «Тры цаны». Гэта вынікае з даных Адзінага дзяржрэестра звестак аб банкруцтве, заўважыла «Люстэрка».
З заявай у суд звярнуўся канкурэнт кампаніі — «Плэй хард», якому яна завінавацілася 3,4 мільёна рублёў. Акрамя таго, у «ФіксМаркета» ёсць запазычанасць перад бюджэтам — больш за 669 тысяч. Нягледзячы на фінансавыя праблемы, кампанія працягвае працаваць, а ўся выручка ідзе на выплату падаткаў.
Кіраўнічая арганізацыя «Вулі Вулі» заявіла суду, што не валодае інфармацыяй пра дзейнасць даўжніка. 26 сакавіка суд увёў у дачыненні да кампаніі ахоўны перыяд. Гэта працэдура эканамічнай неплацежаздольнасці. Яе праводзяць для таго, каб задаволіць патрабаванні крэдытораў, абараніць правы даўжніка, а таксама інвестараў пры санацыі (аздараўленні). Калі немагчыма правесці санацыю ці адсутнічаюць для яе падставы, то запускаецца ліквідацыйная вытворчасць даўжніка.
«ФіксМаркет» актыўна развіваў гандлёвую сетку і да 2022 года ў яго было 269 крам. Тады ж на рынку з'явіўся новы гулец — «Плэй хард», які стаў адкрываць крамы пад тым жа самым брэндам. Цяпер уласнік «Плэй хард» Віталь Сабалеўскі кантралюе больш за 300 гандлёвых кропак у 144 гарадах. У рытэйлера ёсць свой размеркавальны цэнтр. У крамах прадаюць недарагія тавары ў 20 катэгорыях — пачынаючы ад харчавання і заканчваючы адзеннем і аксесуарамі.
Каментары