Vajskovuju mašynu z amierykanskimi vajskoŭcami, što zatanuła na palihonie ŭ Litvie, dastali
U niadzielu vadałazy zamacavali druhi tros na broniemašynie, što zatanuła ŭ bałocie na palihonie ŭ Padbrodździ. U paniadziełak ranicaj apieracyja pa jaje vyciahvańni była zavieršanaja, paviedamiła ministarka abarony Litvy Davile Šakalenie ŭ efiry radyjostancyi LRT.
Pavodle jaje słoŭ, u niadzielu prykładna ŭ 22:00 byŭ znojdzieny punkt dla macavańnia druhoha trosa, paśla 23:00 jaho zamacavali, a kala 2:45 nočy pačałasia apieracyja pa vyciahvańni. Da 4:30 usie pracy byli zavieršanyja.
«Byli zadziejničanyja dźvie mašyny M88 i dadatkova dva buldoziery dla fiksacyi, bo najaŭnaj techniki akazałasia niedastatkova. Ciapier na miescy pracujuć amierykanskija śledčyja i vajskovaja palicyja Litvy. Bolš infarmacyi pra situacyju pakul dać nie možam», — skazała Šakalenie.
«Infarmacyi pra vajskoŭcaŭ pakul niama, ale ŭ nas jość dakładnaja damoŭlenaść, što pieršymi pra heta paviedamiać pradstaŭniki ZŠA», — dadała ministarka.
«Usie adčuli vielizarnaje palahčeńnie — samy składany etap apieracyi projdzieny. Heta była pieršaja i samaja ciažkaja častka», — adznačyła jana.
Da husieničnaj mašyny, jakaja zatanuła z amierykanskim sałdatami na palihonie ŭ Litvie, udałosia prymacavać druhi tros
Pałkoŭnik armii ZŠA pra pošuk źnikłych vajskoŭcaŭ u Padbrodździ: Za 24 hady słužby ja nie bačyŭ ničoha padobnaha
Pieršaja sproba vadałazaŭ dabracca da patanułaj mašyny ŭ Padbrodździ akazałasia niaŭdałaj
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka29
Kamientary