«Skazali, treba pravieryć vientylacyjnyja kanały». Piensijanierka puściła ŭ kvateru nieznajomcaŭ i zastałasia biez 380 rubloŭ

— Udzień u dźviery kvatery pazvanili dvoje mužčyn. Mama kaža, apranutyja byli zvyčajna, biez formy, — raspaviadaje haradzieniec. — Jakuju arhanizacyju pradstaŭlali, taksama nie paviedamili. Tolki skazali, što im terminova treba pravieryć vientylacyjnyja kanały. Paśla ahladu, pavodle słoŭ maci, hości prapanavali joj ustalavać vientylatary dla vientylacyjnych kanałaŭ na kuchni i ŭ prybiralni. Maŭlaŭ, dla piensijanieraŭ, asabliva vieteranaŭ pracy, ciapier dziejničaje vialikaja źnižka. Dla pierakanaŭčaści raspaviali pra toje, što niekatoryja susiedzi (taksama adzinokija piensijaniery) užo dali zhodu na ich ustalavańnie.

Pavialičyć

Dalej, kaža Ivan, nieviadomyja paprasili ŭ maci piensijnaje paśviedčańnie, kab zapoŭnić damovu i zamacavać podpisam. Paśla hetaha jany ŭzialisia za ŭstalavańnie sumnieŭnych kanstrukcyj. Darečy, kamunalnyja słužby mohuć zrabić heta biaspłatna.

— Jany naśpiech pastavili hetyja vientylatary i ŭziali ź jaje najaŭnymi 380 rubloŭ za dva prybory. Miž inšym, realnaja cana adnaho — kala 30 rubloŭ, — praciahvaje mužčyna. — Mama addała im apošnija hrošy, a krychu paźniej zrazumieła, što jaje padmanuli. Ja ž daviedaŭsia pra ŭsio tolki tady, kali pryjechaŭ dadomu. Adrazu patelefanavaŭ u 102.

Pavialičyć

Ivan kaža, što ŭ dahavory «vientylacyjščyki» padstrachavalisia pa poŭnaj. Čornym pa biełym jany prapisali: «cisku i prymusu da ŭstalavańnia nie akazvałasia» i «razumieła svaje dziejańni».

Pavialičyć

Pry hetym u dahavory ŭkazana suma 190 rubloŭ. Nijakich čekaŭ i inšych płaciežnych dakumientaŭ maci na ruki nie vydali. Darečy, pradstaŭniki dadzienaj arhanizacyi zaŭvažanyja i ŭ inšych kutkach Biełarusi. Jak praviła, jany prychodziać da adzinokich starych, — padsumavaŭ Ivan.

Što kaža juryst?

Žurnalisty paprasili jurystku Juliju Jemialjanavu prakamientavać situacyju ź piensijanierkaj, a taksama daviedalisia, ci jość šaniec skasavać taki dahavor i viarnuć hrošy.

— U razhladanaj situacyi mieła miesca zaklučeńnie damovy padradu, pa jakim na dadzieny momant pracy ŭžo vykananyja i apłačanyja hierainiaj, jakaja vystupaje ŭ roli zakazčyka, u poŭnym abjomie, — tłumačyć Julija. — Taksama padpisanyja ŭsie dakumienty: dahavor padradu, akt vykananych rabot, zajava da dahavora.

Uličvajučy hetyja abstaviny i prymianiajučy ahulnyja pałažeńni ab padradzie ŭ častcy adnabakovaj admovy ad dahavora, kazać pra mahčymaść jaho skasavańnia i viartańnia hrašovych srodkaŭ składana.

Adnak isnujuć i inšyja sposaby abarony hramadzianskich pravoŭ, u pryvatnaści — pryznańnie ździełki niesapraŭdnaj.

Pry najaŭnaści adpaviednych dokazaŭ hierainia abo jaje pradstaŭnik maje prava źviarnucca ŭ sud ź iskam ab pryznańni ździełki niesapraŭdnaj jak učynienaj pad upłyvam pamyłki (art. 179 HK).

Pavodle słoŭ jurystki, pytańnie pryznańnia ździełki niesapraŭdnaj pa dadzienaj padstavie składanaje, patrabuje pravilnaha vybudoŭvańnia pravavoj stratehii. Pazoŭščyku nieabchodna dakazać istotnaść pamyłki adnosna ździełki i toje, što ździełka ŭvohule nie była b učyniena, kali b pamyłki nie było.

— Pry pryznańni ździełki niesapraŭdnaj pamyłka źjaŭlajecca vynikam nieaściarožnaści samoha čałavieka, jaki pa svajoj nieaściarožnaści pry zaklučeńni ździełki sam pamylaŭsia adnosna charaktaru ździełki, jaje vidu. U vypadku pryznańnia ździełki niesapraŭdnaj kožny z bakoŭ abaviazany viarnuć druhomu ŭsio atrymanaje pa ździełcy, a pry niemahčymaści viarnuć atrymanaje ŭ natury — kampiensavać jaho vartaść u hrašach, — padsumavała Julija.

• 0
• 0
• 0
• 0
• 1
• 0
• 1
• 0